«Heta katastrofa i dla jaje, i dla nas». Ajčym Safii Sapiehi prakamientavaŭ vystaŭleńnie abvinavačvańnia dačce
Ajčym Safii Sapiehi Siarhiej Dudzič u intervju radyjostancyi «Echo Moskvy» prakamientavaŭ vystaŭleńnie abvinavačvańnia dla jaho dački. Asnoŭny artykuł, pa jakim jaje abvinavačvajuć, — č. 3 art. 130 «Raspalvańnie varožaści».
Pa viersii SK, Sapieha administravała telehram-kanał, jaki zajmaŭsia deanonam siłavikoŭ. Minimalny termin pa joj — 6 hod z ulikam taho, što Safija zaklučyła ździełku.
«Sa słoŭ konsuła i advakata mahu skazać ab jaje stanie — jana psichałahična razdušanaja hetym abvinavačvańniem, jakoje joj vystaŭlenaje. Da taho, kali my ź joj razmaŭlali, da siaredziny kastryčnika, usio ž taki sudovaje pahadnieńnie — jana nie čakała takoha abvinavačvańnia, dla jaje heta było udaram. Minimum 6 hadoŭ — heta, viadoma, katastrofa i dla nas».
«Była nadzieja, što suda nie budzie, a budzie ekstradycyja ŭ Rasiju. Ale, vidać, niešta pajšło nie tak. Konsuł kaža, što tolki paśla suda možna abmiarkoŭvać umovy ekstradycyi. Sud pakul nieviadoma, kali budzie».
«Dalej budzie aznajamleńnie z boku Safii i jaje advakataŭ z materyjałami spravy, a kolki heta zojmie, pakul składana kazać. Abarona ničoha nie moža kamientavać, bo padpiska ab nievydavańni.
U nas z Safijaj nijakaj suviazi niama. My viedajem, što jana pakul da 25 śniežnia pad chatnim aryštam. A što budzie dalej — my nie viedajem».
Safii Sapiezie vystavili abvinavačvańnie. Joj pahražaje da 6 hod źniavoleńnia
-
Mabilny apieratar abviaściŭ pra «maštabnyja raboty» pa palapšeńni suviazi ŭ dźviuch abłaściach
-
Biełarus u Polščy sprabavaŭ stać ahientam KDB. Jon hatovy byŭ rabić dyviersii ŭ Jeŭropie i danosić na biełarusaŭ zamiežža
-
Na kancercie Karža varšaŭskaja palicyja zatrymała 109 čałaviek. I praviaraje łozunhi, jakija hučali na stadyjonie
Ciapier čytajuć
Były hałoŭny ideołah Biełarusi pradaŭ dom u Drazdach za $600 tysiač5
Kamientary