Čarnihaŭskaje ŭpraŭleńnie Ministerstva pa nadzvyčajnych situacyjach Ukrainy patrabuje ad prezidenta Viktara Juščanki i premjer‑ministra Julii Cimašenki vydzialeńnia 11,1 miljona hryŭniaŭ dziela praduchileńnia adychodu da Biełarusi 660 hiektaraŭ ziemli z‑za źmienaŭ rečyšča Dniapra kala pasiołka Lubieč Repkinskaha rajonu Čarnihaŭskaj vobłaści.
Pra heta «Ukrainskim navinam» paviedamiŭ pradstaŭnik upraŭleńnia ministerstva ŭ Čarnihaŭskaj vobłaści.
Pavodle jahonych słovaŭ, miascovaje ŭpraŭleńnie padrychtavała adpaviedny zvarot, a hubiernatar vobłaści Uładzimir Chacinienka jaho padpisaŭ.
Pradstaŭnik MNS paviedamiŭ, što z‑za intensiŭnaha razbureńnia bierahavoj pałasy Dniapra ciaham krasavika‑lipienia była razmyta hruntova‑hravijevaja daroha, što prachodziła miž rakoj i vozieram Sympal na ŭčastkie 300 mietraŭ u rajonie Lubieča. Dniepr złučyŭsia ź viarchoŭjem v. Sympal i dniaproŭskaja vada pieraciakaje praź sistemu pojmiennych azioraŭ u hłyb pojmy.
Raka adrezała kala 660 ha ziemlaŭ Lubiečskaha pasiałkovaha savietu, što pahražaje adychodam ich da Biełarusi i źmienaj linii dziaržaŭnaj miažy.
Na siońniašni momant z usioj summy ŭ 11,1 miljonaŭ u biudžecie praduhledžana tolki 0,1 miljena. A strata ziemlaŭ budzie kaštavać Ukrainie 68 miljonaŭ, padkreśliŭ pradstaŭnik MNS.
Kamientary