Lidar KNDR Kim Čen Yn padčas zaklučnaj pramovy pa vynikach hoda na plenumie partyi zhadaŭ ab unutranych prablemach krainy i zajaviŭ ab nieabchodnaści vyjhrać u 2022 hodzie tak zvanuju «vialikuju śmiarotnuju bitvu».
Pra heta piša ahienctva «Jenchap» sa spasyłkaj na paviedamleńnie Centralnaha telehrafnaha ahienctva Karei (CTAK).
«Hienieralny sakratar zajaviŭ, što sutyčka 2022 hoda —hrandyjoznaja śmiarotnaja sutyčka, jakuju treba rašuča razharnuć i abaviazkova vyjhrać biez najmienšych zatrymak dziela ŭsiebakovaha raźvićcia sacyjalizmu, dziela vialikaha paŭnočnakarejskaha naroda i lubimych naščadkaŭ», - paznačana ŭ tekście.
Kim Čen Yn taksama vykazaŭ upeŭnienaść, što partyja i paŭnočnakarejski narod znoŭ dasiahnuć vialikaj pieramohi ŭ novym hodzie. Pry hetym u apublikavanym CTAK abahulnieńni pramovy lidara nie značacca zhadki ZŠA ci Paŭdniovaj Karei.
Apošnija dva hady Kim Čen Yn nie vypuskaŭ navahodnich pasłańniaŭ da nacyi, addajučy pieravahu zamiest hetaha danosić svaje dumki da hramadzian u pramovach pa vynikach bujnych partyjnych pasiadžeńniaŭ.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary