Cichanoŭskaja zaklikaje ŭdzielničać u refierendumie i pierakreślivać u biuleteni abodva varyjanty
Refierendum, jaki byŭ pryznačany ŭčora na 27 lutaha, — heta sproba ŭtrymać uładu; jon nie zdymaje palityčny, ekanamičny i humanitarny kryzis; heta vybar pamiž Łukašenkam i Łukašenkam, zajaviła siońnia na pres-kanfierencyi demakratyčnych siłaŭ Śviatłana Cichanoŭskaja. Jana abviaściła, što ŭ Vilni budzie stvorany apieratyŭny štab, jaki stanie sačyć za situacyjaj padčas kampanii.
Śviatłana Cichanoŭskaja zaklikała rabić biuleteni niesapraŭdnymi, pierakreślivać abodva varyjanty adkazaŭ, a paśla paviedamlać pra svoj vybar płatformie «Hołas».
U Vilni płanujecca stvaryć apieratyŭny štab demsiłaŭ, jaki stanie adsočvać situacyju. U jeho skład, aproč štaba Cichanoŭskaj, uvojduć pradstaŭniki Kaardynacyjnaj rady, NAU, a taksama hramadzianskich inicyjatyŭ i płatform — «Hołas», «Zubr», «Sumlennyja ludzi».
«Heta kaardynacyjny centr, jaki pačnie pracu siońnia. Pierad refierendumam my źbiaromsia ŭ adnym ofisie ŭ Vilni, kab pracavać razam», — udakładniła Śviatłana Cichanoŭskaja.
Pa jaje słovach, płatforma «Hołas» zojmiecca alternatyŭnym padlikam. «Sumlennyja ludzi» buduć adkazvać za dastaŭku infarmacyi hramadstvu i pracu z tymi, kaho prymušajuć stać členami vybarčych kamisij. «Zubr» budzie fiksavać parušeńni na ŭčastkach.
U apieratyŭny štab uvojdzie taksama abjadnańnie eks-siłavikoŭ, jakoje zojmiecca infarmacyjnaj biaśpiekaj, budzie adsočvać i analizavać apieratyŭnaje stanovišča siarod siłavikoŭ i čynoŭnikaŭ.
«My padtrymlivajem ahulnuju pazicyju pryznać refierendum niesapraŭdnym praź dziejańni hramadzian, — dałučyŭsia kiraŭnik NAU Pavieł Łatuška. — U adnosinach da acenki mižnarodnymi partniorami — damahacca aficyjnych zajavaŭ ab niapryznańni za Łukašenkam prava na praviadzieńnie refierendumu».
Jak adznačyła pradstaŭnica płatformy «Sumlennyja ludzi» Alena Žyvahłod, praca z členami vybarčych kamisij užo viadziecca.
«My razumiejem, što ŭłada zadziejničaje administratyŭny resurs, tamu padrychtavalisia da roznych scenaroŭ, i adpracujem nie horš, čym u 2020 hodzie», — zapeŭniŭ Pavieł Libier, suzasnavalnik płatformy «Hołas».
Adnak padčas pres-kanfieriencyi jon vyrašyŭ nie detalizavać płan, kab nie dać mahčymaść padrychtavacca druhomu boku: «Nakont niemahčymaści fatahrafavańnia [biuleteniaŭ na vybarčych učastkach] — važnaja zaŭvaha, my ŭličvajem taki scenaryj. Buduć praduhledžanyja inšyja varyjanty».
Taksama Pavieł Libier nahadaŭ, što płatforma «Hołas» nie źbiraje piersanalnyja źviestki, deananimizacyja karystalnikaŭ praź jaje niemahčymaja.
«Z 27 studzienia ŭ našym čat-bocie možna prajści navučeńnie, adnavić viedy i padčas refierendumu nakiroŭvać tudy infarmacyju pra parušeńni», — nahadaŭ pradstaŭnik płatformy «Zubr» Pavieł Marynič.
«Mienavita tamu, što niama vybaru, my prapanujem pierakreślić abodva varyjanty, — zaŭvažyŭ Alaksandr Dabravolski, daradca Śviatłany Cichanoŭskaj. — Biezzakonnaść stała sinonimam ciapierašniaj situacyi. Vy pahladzicie na prajekt Kanstytucyi, što nam prapanujuć… Što heta? Nam prapanujuć puchlinu ŭ vyhladzie UNS! Jak heta budzie pracavać, my bačym na prykładzie Kazachstana. Heta budzie novaja niestabilnaść».
Na pytańnie, ci pojdzie Śviatłana Cichanoŭskaja na refierendum, jana adkazała: «Ja nie pajdu na terytoryju ambasady [u Vilni], ale paŭdzielničaju ŭ ekzit-pole, jaki budzie arhanizavany ŭ Litvie».
Što źmianiłasia ŭ prajekcie Kanstytucyi, vyniesienym na refierendum
«Vyskačyć na vulicu ŭ karotkich spadničkach — heta vy mahli. I ŭsich hvałtavali tam». Łukašenka ŭspomniŭ kinošnikam 2020-y i zaklikaŭ spynicca16
Kamientary