Voś vam prosty, pravierany i duchmiany recept na vychadnyja — bananavy kieks. Pryhatavańnie zojmie ŭ vas nie bolš za 15 chvilin kaštoŭnaha času, a abyścisia možna ŭsiaho piaćciu inhredyjentami, hałoŭnaje, kab u domie znajšlisia 2 pieraśpiełyja banany.
Inhredyjenty
- 140 hram masła (pastaŭcie ŭ ciapło, kab raźmiakła) plus krychu dla zmazvańnia formy
- 140 hram cukrovaj pudry, a možna i prosta cukru
- 2 uźbityja jajki
- 140 hram muki
- 1 čajnaja łyžka razrychlalniku
- 2 saśpiełyja (pažadana navat pieraśpiełyja) banany, razamnicie ich u piure
- 50 hram cukrovaj pudry i žmienia sušanych bananavych čypsaŭ dla ŭpryhožvańnia
Pieršy krok
Nahrejcie duchoŭku da 180°S.
Druhi krok
Zmažcie masłam formu dla kieksaŭ, zaścialicie jaje papieraj dla vypiakańnia.
Treci krok
Uźbicie 140 hram raźmiakčanaha masła i 140 h cukrovaj pudry (možna prosta cukru) da pyšnaści, zatym pavolna dadajcie 2 uźbityja vialikija jajki, pastupova dadajučy 140 hramaŭ muki.
Čaćviorty krok
Dadajcie 1 čajnuju łyžku razrychlalniku i 2 banany.
Piaty krok
Vylicie sumieś u padrychtavanuju formu i vypiakajcie kala 50 chvilin abo da hatoŭnaści. Čas pryhatavańnia moža varjiravacca ŭ zaležnaści ad formy, u jakoj vypiakajecca kieks.
Šosty krok
Astudzicie kieks u formie na praciahu 10 chvilin, zatym pierakładzicie na talerku abo došku dla ŭpryhožvańnia.
Siomy krok
Źmiašajcie 50 hram cukrovaj pudry z 2—3 čajnymi łyžkami vady, kab atrymałasia vadkaja hłazura. Palicie joj vierch kieksa i ŭpryhožcie skrylikami bananavych čypsaŭ.
Smačna jeści!
Azaronak napisaŭ pra palitemihranta — paśla hetaha brata i baćku taho kinuli za kraty2
Azaronak napisaŭ pra palitemihranta — paśla hetaha brata i baćku taho kinuli za kraty
Jak vypadkovaje znajomstva ŭ hiej-kłubie skončyłasia hučnym zabojstvam. Novyja detali pa spravie biełarusa, jaki 25 hadoŭ tamu zarezaŭ pradziusara ŭ Maskvie66
Kamientary