Łukašenka raskazaŭ, što ZŠA papiaredzili Minsk pra toje, jakim budzie adkaz u vypadku naroščvańnia rasijskaj prysutnaści ŭ Biełarusi
«Litaralna sutki tamu da mianie daviali pahroźlivuju pazicyju Dziarždepa ZŠA», — skazaŭ Alaksandr Łukašenka na naradzie 24 studzienia.
«Litaralna sutki tamu da mianie daviali pahroźlivuju pazicyju Dziarždepa ZŠA, — cytuje jaho słovy BIEŁTA. —
Pryjechali da našych dypłamataŭ u Ńju-Jorku i pahražajuć nam: kali vy dazvolicie Pucinu i Rasii, dazvolicie heta, to my ŭviadziem sankcyi. Kali vy hetuju jadziernuju zbroju vierniecie ŭ Biełaruś, budzie toje i heta.
Razumiejecie, mientarski niejki ton u dačynieni da Biełarusi. Dyk voś ja chaču źviarnuć ich da taho, što ja skazaŭ u Łunincy. Dumaju, nie treba ničoha tut dadavać. Nam nie treba nijakaj vajny. Ale hetyja ž amierykancy rukami palakaŭ, łatyšoŭ i sami asabista padšturchoŭvajuć nas da hetych voś dziejańniaŭ. My byli donaram biaśpieki ŭ rehijonie. Nas zaŭsiody šanavali za heta. Navošta vy nas u 2020 hodzie šturchajecie i robicie ahresarami, pa ich terminałohii. Navošta heta treba było? A siońnia jany nam pahražajuć», — skazaŭ Łukašenka.
Alaksandr Łukašenka adznačyŭ, što Zachadu i, u pryvatnaści, Jeŭrasajuzu treba ŭ pieršuju čarhu źviarnuć uvahu na svaje dziejańni.
«Navošta Jeŭrapiejski sajuz zharnuŭ supracoŭnictva pa linii pytańniaŭ miažy? Jany ž zharnuli hetaje supracoŭnictva. Heta ž nie my pajšli na hetuju eskałacyju adnosin. My prosta pa fakcie reahavali. Tamu dziejničać budziem u intaresach našaj dziaržavy, što b nam ni kazali, jak by nas ni pałochali», — dadaŭ Łukašenka.
Łukašenka adkazaŭ Paźniaku nakont akupacyi Biełarusi
Ambasada ZŠA rekamienduje svaim hramadzianam prajaŭlać pavyšanuju pilnaść ŭ Biełarusi i nie padarožničać
60‑hadovaja pjanaja biełaruska pieratvaryła palot z Paryža ŭ Vilniu ŭ kašmar3
Kamientary