Kiraŭnik hetak zvanaj «Danieckaj narodnaj respubliki» Dzianis Pušylin zajaviŭ u intervju «Rasii 1» ab padrychtoŭcy Ukrainaj nastupu na Danbasie.
«Pa charaktary tych mierapryjemstvaŭ, jakija pravodziacca z boku Ukrainy — heta idzie padrychtoŭka da nastupu. Ja kažu pra toje, što padciahvajecca technika, rychtujucca tankavyja ekipažy, pryčym u tych miescach dysłakacyi, kudy jany advodzilisia, tam skancentravanyja artyleryjskija raźliki i tankavyja», — cytuje Pušylina RIA «Naviny».
Pavodle jaho słoŭ, da miežaŭ padciahnutyja sistemy załpavaha ahniu «Urahan» i «Śmierč», prybyli zamiežnyja žurnalisty «i instruktary ZŠA i Brytanii, jakija ŭžo kala pazicyj praktyčna adkryta fatahrafujucca i vykładvajuć u internet».
Akramia taho, Pušylin zajaviŭ, što na «linii sudakranańnia» z ukrainskaha boku znachodziacca kala 129 tysiač vajskoŭcaŭ.
«Heta toje, što my bačym, i heta tyja, jakija nie traplajuć pad ratacyjnyja kolkasnyja źmieny. Majecca na ŭvazie, što heta taja stabilnaja ličba, jakaja ciapier nam bačnaja na praciahu miesiacaŭ troch z pałovaj prykładna», — skazaŭ jon.
Taksama, pa słovach Pušylina, u DNR majuć źviestki ab padrychtoŭcy dyviersijnych hrup, metaj jakich źjaŭlajecca ździajśnieńnie teraktaŭ u Danbasie. U pryvatnaści, zajaviŭ jon, u rehijon nakiravanyja «najbolš ašalełyja radykały, ja maju na ŭvazie «Pravy siektar»».
U DNR, zapeŭniŭ Pušylin, pakul nie rychtujucca iści ŭ nastup.
«My vośmy hod vajujem i pryvykli». Što va Ukrainie dumajuć pra mahčymaje rasijskaje i biełaruskaje ŭvarvańnie?
Skandał u «Jeŭraopcie». 96‑hadovamu dziadulu nie dazvolili prysieści na kresła kala kasy20
Kamientary