U navahodniuju noč muža i žonku kinuli na Akreścina za salut u 23:34
Alena i Mikałaj Hajeŭskija 31 śniežnia zapuścili salut u dvary roŭna ŭ 23:34, ale adrazu paśla hetaha byli zatrymanyja siłavikami. U RUUSie na muža i žonku skłali pratakoły za «niesankcyjanavanaje pikietavańnie».
3-ha studzienia sudździa Michaił Makarevič razhladaŭ ich spravy. Nichto ź ich svaju vinu na sudzie nie pryznaŭ, paviedamlajuć pravaabaroncy.
Pa pratakole, jany «pikietavali šlacham zapusku piratechničnaha vyrabu (fiejervierku), zhodna z raniej raźmieščanymi ŭ destruktyŭnych telehram-kanałach zaklikami».
Śviedka-milicyjant na sudzie raspavioŭ, što asabista naziraŭ za zapuskam salutu. Jon śćviardžaje, što salut byŭ u bieła-čyrvona-biełych kolerach, a paśla zapusku Mikałaj i Alena vykrykvali «pravakacyjnyja łozunhi». Padstavaŭ sumniavacca ŭ dakładnaści tłumačeńniaŭ milicyjanta sud nie znajšoŭ.
Akramia hetaha, dokazam viny stała i «padpiska na destruktyŭnyja th-kanały, sa źmiestam jakich jany ŭvieś čas znajomilisia».
Mikałaj na sudzie patłumačyŭ, što salut byŭ na sto załpaŭ i zapuściŭ jon jaho «vyklučna pa asabistych mierkavańniach», bo ŭ 2020 hodzie adbyvaŭ sutki pa «narodnym» artykule 23.34 KaAP. Ale jon adznačyŭ, što jany z žonkaj anijakich łozunhaŭ nie vykrykvali i pikietavańnia nie pravodzili.
Na dumku sudździ Makareviča, zapusk salutu ŭ 23:34, jaho koler, a taksama łozunhi ŭ hramadskim miescy śviedčać mienavita pra palityčny charaktar dziejańniaŭ Mikałaja i Aleny.
Vynikam suda staŭ aryšt Mikałaja na 15 sutak, a Aleny — na 13.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni24
Kamientary