Siońnia, 7 žniŭnia, startuje 47‑y čempijanat niamieckaj bundeślihi. Adkryjecca jon matčam pamiž dziejučym čempijonam «Volfsburham» i «Štuthartam», u jaki, nahadajem, viarnuŭsia Alaksandr Hleb.
Praŭda, nieviadoma, ci vyjdzie siońnia na pole «Folksvahien‑Areny» biełarus.
Za niekalki dzion da matču ŭ intervju «Priessbołu» jon kazaŭ pra brak padrychtoŭki — «Barsiełona», ź jakoj pierajšoŭ Hleb, vyjšła z adpačynku našmat paźniej za «Štuthart»
Hałoŭnaja intryha niamieckaha čempijanatu: chto stanie čempijonam. Ci zdoleje abaranić tytuł «Volfsburh», jaki zbolšaha zachavaŭ skład — najpierš hałoŭnuju udarnuju siłu: Hrafite — Edzin Džeka, ale straciŭ hałoŭnaha treniera Fieliksa Mahata, što pierajšoŭ u «Šalkie-04».
abo moža viernie sabie čempijonski tytuł 21‑razovy čempijon Niamieččyny miunchienskaja «Bavaryja», abo vyjhrajuć bundeślihu «Bajier», «Hamburh», dortmundskaja «Barusija», «Šalkie» i, kaniečnie, «Štuthart».
Pačatak matču «Volfsburh» — «Štuthart» u 21:30.
***
U subotu, 8 žniŭnia, startuje čempijanat Francyi. Praŭda, biełarusaŭ tam niama. 15 žniŭnia — čempijanat Anhlii, a 22 žniŭnia — Italii. Tam cełyja dva našyja hulcy: Vital Kutuzaŭ («Bary») i Michaił Sivakoŭ («Kaljary»).
Ciapier čytajuć
Aryštavany 75‑hadovy Źmicier Sańko — vieteran-vydaviec3
Kamientary