Nahadajem, što na šyldach pomnika śpiecyjalisty naličyli prykładna 75 arfahrafičnych pamyłak.
Biełaruski sajuz mastakoŭ nie maje dačynieńnia da vyrabu adkrytaj u Breście skulpturnaj kampazicyi, pryśviečanaj historyi horada, zajaviŭ u intervju BiełaPAN pieršy namieśnik staršyni hramadskaha abjadnańnia «Biełaruski sajuz mastakoŭ» Ryhor Sitnica.
Razam z tym na pres‑kanfierencyi 15 lipienia ŭ Breście staršynia Bresckaha harvykankama Alaksandr Pałyšankaŭ paviedamiŭ, što fihury «adlivajuć u Minsku na liciejnym dvary sajuza mastakoŭ i skulptaraŭ Respubliki Biełaruś», pra što prainfarmavali ŚMI.
Pomnik byŭ adkryty 25 lipienia ŭ ramkach śviatkavańnia 990‑hodździa Bresta. Heta trochjarusny manumient z hranitu i bronzy. Na nižnim jarusie raźmieščana 12 bronzavych šyldaŭ. Jany ŭtvorać simvaličny hadzińnik, jaki nibyta admiaraje chod času. Na šyldach koratka apisanyja najbolš značnyja padziei z 990‑hadovaj historyi horada. Vyšej raźmieščany šeść bronzavych fihur: try histaryčnyja — Vitaŭt, Radzivił Čorny i kniaź uładzimira‑vałynski Uładzimir Vasilkavič i try zbornyja vyjavy — maci, sałdata i letapisca. Nad imi ŭzvyšajecca fihura anioła‑zachavalnika horada. Skulpturnaja kampazicyja raspracavana bresckim skulptaram Alaksiejem Paŭlučukom.
Jak paviedamlałasia raniej, na šyldach pomnika śpiecyjalisty naličyli 75 arfahrafičnych pamyłak.
Jany byli vyjaŭlenyja ŭ nadpisach da adkryćcia skulpturnaj kampazicyi. Padčas pryjomu abjekta dziaržaŭnaja kamisija zafiksavała hetyja pamyłki.
Jak skazaŭ BiełaPAN načalnik vytvorčaści TAA «Liciejny dvor» (vioska Uźlany, Puchavicki rajon, Minskaja vobłaść) Jarasłaŭ Parachnievič, fihury i šyldy dla pomnika adlityja na ich pradpryjemstvie.
«U teksty šyldaŭ, dzie byli vyjaŭleny pamyłki, vyrašana najbližejšym časam unieści adpaviednyja źmieny, — skazaŭ jon. — Razam z tym ja chaču źviarnuć uvahu na toje, što naša pradpryjemstva adliło šyldy ŭ adpaviednaści z tekstami, jakija daŭ zakazčyk».
-
Pryckieraŭskaja premija 2026 hoda dastałasia čylijcu, jaki stvaraje miražy. Jaho estetyka krochkaści pieramahła manumientalny pafas
-
Minskaja mastačka kaža, što 10 hadoŭ tamu ŭ jaje zabrała karciny kuratarka vystavy — i dahetul nie viarnuła. A sama emihravała
-
Ultymatum Pucinu z łaźni i abmierkavańnie burhieraŭ. Novyja parodyi na Łukašenku rvuć instahram
Vychadcy z «Alfa» KDB Biełarusi zajmajuć kiraŭničyja pasady ŭ novym rasijskim supiersakretnym śpiecpadraździaleńni, pryznačanym dla zabojstvaŭ za miažoju18
Kamientary