«Ciapier luboje vostraje reśpiratornaje zachvorvańnie — heta «amikron». Doktar Sałaviej raskazaŭ pra asablivaści štama
Doktar-infiekcyjanist Mikita Sałaviej padzialiŭsia ŭ Fejsbuku nazirańniami nakont raspaŭsiudžvańnia ŭ Biełarusi štama «amikron» i daŭ niekalki paradaŭ nakont prafiłaktyki i lačeńnia.
Pavodle jaho słoŭ, asablivaści «amikrona» nastupnyja:
— «amikron» vielmi lohka raspaŭsiudžvajecca ŭ papulacyi, vyklikajučy łavinapadobny rost zachvorvalnaści, u tym liku siarod dziaciej.
Pa roznych acenkach, adzin infikavany «amikronam» čałaviek moža infikavać 8-15 inšych,
tamu važna praciahvać maksimalna vykonvać miery prafiłaktyki (u pieršuju čarhu vykarystoŭvać maski ŭ hramadskich miescach, častaje myćcio/apracoŭku antysieptykami ruk, abmiežavańnie niepasrednych kantaktaŭ i h.d.).
Ciapier luboje vostraje reśpiratornaje zachvorvańnie — heta praktyčna 100% COVID-19, cyrkulacyja inšych uzbudžalnikaŭ, u tym liku i hrypu, znoŭ praktyčna nie rehistrujecca,
— «amikron» lohka praryvaje miechanizmy imunnaj abarony ŭ tych, chto raniej pierachvareŭ na inšyja varyjanty karanavirusa, abo vakcynavanych tolki dvuchrazova. Pry hetym bustarnaja doza istotna pamianšaje vierahodnaść raźvićcia simptomaŭ chvaroby i asabliva vierahodnaść špitalizacyi i ciažkaha ciačeńnia (pa acenkach niekatorych daśledavańniaŭ, u 20-24 razy).
Tamu maje sens vykanać bustarnuju revakcynacyju, asabliva ludziam z hrup ryzyki.
Adnaznačna, vybar za adenavirusnymi vakcynami (dla revakcynacyi «Sputnik-łajt», naprykład), vakcyna Sinopharm/Vero Cell u takoj situacyi budzie subaptymalnaja, sastupajučy pa efiektyŭnaści mRNKovym i adenavirusnym vakcynam,
— zachvorvańnie praciakaje ŭ bolšaści adnosna lohka, heta nieparaŭnalna z tym, što było pry cyrkulacyi delta-varyjanta karanavirusa.
Adnak hrupy ryzyki zastalisia raniejšymi (lišak vahi ź indeksam masy cieła 30 i bolš, pažyły ŭzrost, asoby z chraničnymi zachvorvańniami, asabliva, cukrovym dyjabietam, mietabaličnym sindromam i imunasupresijaj), i ŭ častki takich pacyjentaŭ źjavicca nieabchodnaść u špitalizacyi i intensiŭnym lačeńni navat pry COVID-19, vyklikanym «amikronam».
— časta, asabliva ŭ maładych ludziej, rehistrujucca simptomy, što imitujuć kišačnuju infiekcyju. U praktycy infiekcyjnaj balnicy Minska ŭ niekatoryja dni da 2/3 pacyjentaŭ, jakija nakiroŭvajucca z «salmanelozam» abo «rotavirusnaj infiekcyjaj», na samaj spravie dyjahnastujucca jak COVID-19.
Asabliva charakternaje źjaŭleńnie młosnaści, šmatrazovych vanitaŭ, vadzianistaj dyjarei biez tempieratury i jakich-niebudź simptomaŭ paražeńnia dychalnych šlachoŭ, albo naadvarot, spałučeńnie simptomaŭ paražeńnia straŭnikava-kišačnaha trakta z reśpiratornaj simptamatykaj (kašal, nasmark abo zakładzienaść nosa, vyraznyja boli ŭ horle biez paražeńnia mindalin, kanjuktyvit i h.d.).
U lubym vypadku, pry źjaŭleńni vostrych simptomaŭ kišačnaha rasstrojstva siońnia aptymalnaje testavańnie na COVID-19 (nieabchodna vykarystoŭvać tolki vyznačeńnie antyhiena abo PŁR, sproba vyznačeńnia antyciełaŭ da karanavirusa ŭ kryvi ŭ pieršyja dni zachvorvańnia nie patrebnaja, jany źjaviacca nie raniej za 10-14 dzień albo mohuć vyznačacca z-za raniej pieraniesienaha zachvorvańnia/vakcynacyi i nie być źviazanyja sa stanam čałavieka).
Kali raźviłasia kišačnaja simptamatyka, ź joj lohka spravicca samastojna.
Klučavyja momanty — heta dyjeta, papaŭnieńnie straty vadkaści niehazavanaj minieralnaj vadoj małymi porcyjami abo z dapamohaj śpiecyjalnych rastvoraŭ dla rehidratacyi, prabijotyki (skaračajuć praciahłaść lubych prablem z ŽKT, źviazanych ź virusami i bakteryjami, dakazana šmatlikimi daśledavańniami!), supraćrvotnyja (naprykład, dampierydon, u ciapierašni čas biezrecepturny srodak).
Lačeńnie anałahičnaje lačeńniu luboj inšaj kišačnaj infiekcyi, bolš padrabiazna apisana tut.
Pryncypy lačeńnia karanavirusnaj infiekcyi varyjantu «amikron» u ambułatornych umovach sapraŭdy takija ž, jak i pry COVID-19, vyklikanaj inšymi varyjantami ŭzbudžalnika. Padrabiazna čytać tut.
Kamientary