Pasła Biełarusi ŭ Armienii vyklikali ŭ miascovy MZS z-za vykazvańnia Łukašenki
Pastom u Fejsbuku pres-sakratara armianskaha Ministerstva zamiežnych spraŭ biełaruska-armianski kanflikt nie abmiežavaŭsia. Pasła Biełarusi ŭ Armienii Alaksandra Kaniuka 8 lutaha vyklikali ŭ MZS krainy, paviedamlaje ahienctva «Naviny-Armienija».
«Pasoł Biełarusi ŭ Respublicy Armienija siońnia byŭ u MZS Armienii», — paviedamiŭ ahienctvu pres-sakratar MZS Vaan Unanian.
Praŭda, nijakich padrabiaznaściaŭ razmovy jon nie paviedamiŭ.
Kanflikt uźnik z-za taho, što ŭ niadaŭnim intervju rasijskamu prapahandystu Uładzimiru Sałaŭjovu Łukašenka skazaŭ: «Armienii dziavacca niama kudy. Vy kažacie, kamuści patrebnyja? Jany ŭžo ŭbačyli. Azierbajdžan vybivajecca z hetaj kahorty, my tam šmat pamyłak narabili. Heta asobnaja razmova. I tam, prosta, Turcyja vielmi mocna padtrymlivaje Azierbajdžan. Praz Turcyju iduć šlachi, haz, nafta…»
Paśla hetaha MZS Armienii zajaviła, što svojeasablivaje mierkavańnie Łukašenki nie maje ničoha supolnaha z Armienijaj i jaje zamiežnaj palitykaj i «pryznačana vyklučna dla ŭnutrypalityčnaha paradku dnia».
Vidavočna, što Łukašenka prosta nie razumieje, nakolki balučyja dla armianaŭ prablemy ich uzajemaadnosin z Azierbajdžanam i Turcyjaj i nakolki jany chvaravita staviacca da lubych sprobaŭ kazać pra heta nie dalikatna i pabłažliva.
Čytajcie taksama:
Jerevan: Svojeasablivaje mierkavańnie Łukašenki nie maje ničoha supolnaha z Armienijaj i jaje zamiežnaj palitykaj
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii13
Kamientary