«Nijakaha dačynieńnia da statystyki hetyja ličby nie majuć». Doktar Martaŭ ab aficyjnych źviestkach Minzdaroŭja pa chvorych na kavid
Były zahadčyk adździaleńnia aniestezijałohii i reanimacyi Viciebskaj balnicy chutkaj dapamohi Uładzimir Martaŭ padzialiŭsia z prajektam «Filin» svaim mierkavańniem ab novaj kavidnaj statystycy ŭładaŭ.
Miedyk adznačyŭ, što ź minułaha tydnia byŭ prykmietny vybuchovy rost kolkaści chvorych.
«Takoha nikoli jašče nie było, a heta ŭžo piataja chvala. Heta było vidać niaŭzbrojenym vokam: pa apoviedach siabroŭ, rodnych, kaleh-daktaroŭ. Heta było zaŭvažna i, adpaviedna, Ministerstva pačało mianiać ličby», — skazaŭ Martaŭ.
Surazmoŭca nahadaŭ, što Ministerstva achovy zdaroŭja pamianiała praviły dyjahnostyki, dazvoliŭšy stavić dyjahnaz COVID pry najaŭnaści kliničnych i renthien-źviestak biez abaviazkovaha PŁR-testavańnia.
«Ličby Ministerstva nikoli nie supadali ź ličbami ź miescaŭ. Naprykład, kali ja jašče pracavaŭ zahadčykam, adnojčy ŭ mianie było siem pamierłych u dzień. Byŭ taki pieryjad. A Ministerstva padavała, što siem čałaviek pamierła pa krainie. Zrazumieła, što na niejkim etapie ŭsie hetyja ličby padviarhalisia karekcyi. Tamu nijakaha dačynieńnia da statystyki hetyja ličby nie majuć. Heta naohuł nielha nazvać statystykaj. Ale toje, što jany adbili vybuchovy rost — tak, adbili. Bo ludzi bačać, što adbyvajecca ź imi i ich asiarodździem», — padzialiŭsia Martaŭ.
Miedyk adznačyŭ, što ŭ pieršuju chvalu kavid byŭ vielmi charakternym, a ciapier jon «vyhladaje, jak VRVI, jak banalnaja prastuda»:
«I kali ŭ pieršuju chvalu my pryznali infiekcyju asabliva niebiaśpiečnaj, što heta surjoznaja sprava, to ŭ nastupnyja chvali nie vidać, što my ŭsprymajem heta surjozna. A hetuju chvalu my i zusim sustrakajem z šapkazakidalnickim nastrojem, maŭlaŭ, samo projdzie, usie pavinny pierachvareć, ničoha strašnaha. Nasamreč, heta niapraŭda, my jašče nie viedajem usich addalenych nastupstvaŭ, kali ŭsie pierachvarejuć. Adpaviedna, kali usio nie tak strašna, to možna nie ŭkładvacca, nie prykładvać nijakich intelektualnych namahańniaŭ pa rašeńni hetaha surjoznaha vykliku. Dla nas heta nie vyklik, absalutna».
Čytajcie taksama:
Jak lačyć amikron u chatnich umovach? Zapisali parady doktara Martava
-
Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi
-
Dziaržaŭnaje vydańnie: «Minsk choča źnižeńnia hradusa kanfliktu z Polščaj», «bo ŭ narmalizacyi tranzitu zacikaŭlenaja KNR»
-
Pieravozčyki ŭžo adnavili pramyja rejsy ŭ Polšču. Kolki ciapier kaštujuć bilety
Kamientary