Samalot ukrainskaj avijakampanii musiŭ pryziamlicca zamiest Kijeva ŭ Kišyniovie
Rejs ukrainskaj avijakampanii SkyUp z partuhalskaha vostrava Madejra ŭ Kijeŭ unačy zrabiŭ pasadku zamiest Kijeva ŭ Kišyniovie praź situacyju va Ukrainie.
Pavodle adnoj z pasažyrak:
«Padčas palotu nam paviedamili, što ŭ suviazi ź situacyjaj va Ukrainie lizinhadaŭca bortu zabaraniŭ pasadku sudna va Ukrainie».
Pa jaje słovach, pasažyram skazali, što bort siadzie nie ŭ Kijevie, za dźvie hadziny da pasadki ŭ aeraporcie «Baryspal».
«Paviedamili, što lizinhadaŭca borta nie hatovy ryzykavać samalotam i tamu nie dazvalaje zalatać u pavietranuju prastoru Ukrainy. Pasadzili ŭ Kišyniovie, adsiul aŭtobusami da Kijeva», - raspaviała pasažyrka.
Zhodna z raskładam, rejs PQ 902 pavinien byŭ sieści ŭ kijeŭskim aeraporcie Baryspal u 03:50 pavodle kijeŭskaha času.
U pres-słužbie SkyUp paviedamili, što 12 lutaha lizinhadaŭca, rezident Irłandyi, paviedamiŭ avijakampanii ab nieadkładnaj zabaronie na ŭlot samalota UR-SQO u pavietranuju prastoru Ukrainy. Niahledziačy na ŭsie namahańni avijakampanii i hatoŭnaść dziaržaŭnych struktur Ukrainy źviarnucca da lizinhadaŭcy, uładalnik samalota daŭ kateharyčnuju admovu ŭ toj čas, kali pavietranaje sudna ŭžo vykonvała rejs da Kijeva.
Avijakampanija SkyUp zdoleła damovicca ab pasadcy ŭ najbližejšym da terytoryi Ukrainy aeraporcie ŭ Kišyniovie i arhanizavać tranśfier dla 175 pasažyraŭ u Kijeŭ. Taksama ŭsie pasažyry byli zabiaśpiečanyja charčavańniem. Razam z pasolstvam Ukrainy ŭ Małdovie avijakampanija ŭziałasia taksama zabiaśpiečyć viartańnie pasažyraŭ va Ukrainu.
Čytajcie taksama:
Jość vierahodnaść, što nad Ukrainaj zakryjuć pavietranuju prastoru
Niderłandskaja avijakampanija KLM prypyniła paloty ŭ Kijeŭ
Ciapier čytajuć
Novy staršynia Kanstytucyjnaha suda adpraviŭ syna vučycca na raźviedčyka ŭ akademiju HRU. A jak pačałasia vajna, chutčej zabraŭ z Rasii20
Kamientary