Surkoŭ: Sučasnaja Rasija za mir, adnak jana nie moža znachodzicca ŭ miežach, ustanoŭlenych ŭ 1918 hodzie
«Kali paraŭnać sučasnuju kartu jeŭrapiejskaj častki Rasii z kartaj, zaćvierdžanaj Bresckim miram, to bačna, što zachodniaja miaža ciapierašniaj Rasii amal supadaje z zaćvierdžanaj paśla hiermanskaha ultymatumu ŭ 1918 hodzie. Pra heta ŭ kałoncy dla «Aktualnych kamientaryjeŭ» napisaŭ były pamočnik prezidenta Rasii i ideołah pucinizmu Uładzisłaŭ Surkoŭ. Na jaho dumku, u miežach takoha «pachabnaha» miru Rasii «ciesna, sumna i niajomka».
Surkoŭ nahadaŭ, što ŭ lutym 1918 hoda adbyłosia pasiadžeńnie CK partyi balšavikoŭ, na jakim było zaćvierdžanaje rašeńnie ab zaklučeńni miru z Hiermanijaj. Hety dahavor atrymaŭ u presie nazvu «pachabnaha».
«I sapraŭdy, mir atrymaŭsia prosta abraźlivy. Pa jaho ŭmovach Rasija admaŭlałasia ad vielizarnych terytoryj Prybałtyki, Biełarusi, Ukrainy, što raniej naležali Rasii. Zachodniaja miaža adkaciłasia daloka na ŭschod, zasunuŭšy krainu ŭ miežy dapiatroŭskich, možna navat skazać, daramanaŭskich časoŭ. Pachabniej niama kudy», — piša Surkoŭ.
Były pamočnik prezidenta Rasii padkreśliŭ, što dahavor byŭ admienieny nie Rasijaj, a jaje sajuźnikami ŭ tym ža 1918 hodzie. Paśla hetaha byli viernutyja stračanyja ziemli.
«Ale hieapalityčnyja pracesy marudnyja, ich vyniki nie adrazu prastupajuć z-pad nahruvaščvańniaŭ ašałamlalnych padziej. Raspad Rasii, jaki pačaŭsia ŭ 17—18 hadach minułaha stahodździa i jak byccam spynieny kamunistyčnaj dziaržavaj koštam kałasalnych achviar, nasamreč nie spyniŭsia», — napisaŭ Surkoŭ.
Pa jaho słovach, praz šmat hadoŭ Rasija viarnułasia da miežaŭ «pachabnaha miru», nie prajhraŭšy vajny i nie zachvareŭšy na revalucyju.
«Niejkaj śmiešnaj pierabudovy, niejkaj kałamutnaj hałosnaści chapiła, kab savieckaja impieryja raspaŭzłasia pa švach. Značyć, fatalnaja słabaść była ŭbudavanaja ŭ sistemu», — robić jon vysnovu.
Ale na hetym nie spyniajecca.
«I što dalej? — piša Surkoŭ. — Dakładna — nie cišynia. Napieradzie šmat hieapalityki. Praktyčnaj i prykładnoj. I navat, mahčyma, kantaktnaj», — hetaja «kantaktnaja» hieapalityka nahadvaje termin «kantaktnaja baraćba».
«Jak ža inakš, kali ciesna i sumna, i niajomka… i niemahčyma zastavacca Rasii ŭ miežach pachabnaha miru. My za mir. Zrazumieła. Ale nie za pachabny. Za pravilny»,
— piša Surkoŭ.
«Baraćba za ziemli», zhodna z Surkovym, — heta nie archaika, heta prosta ad lanoty.
«Kantrol prastory — asnova vyžyvańnia. Ciapier časta čuvać, što heta archaičnaje ŭjaŭleńnie ab palitycy. Što baraćbu za ziemli, mory i niabiosy bolš vieści nie varta, tamu što… niezrazumieła, zrešty, čamu. Chutčej za ŭsio, tamu što lanota i strašna», — piša jon.
Artykuł Uładzisłava Surkova źjaviŭsia na fonie vajennych pryhatavańniaŭ Rasii na miežach Ukrainy.
Dziaržduma Rasii prahałasavała za zvarot da Pucina z prośbaj ab pryznańni «DNR» i «ŁNR»
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam21
Kamientary