Dziaržduma Rasii prahałasavała za zvarot da Pucina z prośbaj ab pryznańni «DNR» i «ŁNR»
Dziaržduma pryniała zvarot da Uładzimira Pucina ab nieabchodnaści pryznańnia tak zvanych Danieckaj i Łuhanskaj narodnych respublik.
Deputaty ličać «abhruntavanym i maralna apraŭdanym» pryznańnie samaabvieščanych Danieckaj i Łuhanskaj narodnych respublik.
«Za minułyja hady na asnovie ŭsienarodnaha volevyjaŭleńnia ŭ respublikach pabudavanyja demakratyčnyja orhany i dziaržavy z usimi atrybutami lehitymnaj ułady», — havorycca ŭ zvarocie.
Na dumku parłamientaryjaŭ,
pryznańnie DNR i ŁNR dazvolić zabiaśpiečyć harantyi biaśpieki i abaronu nasielnictva ad źniešnich pahroz
i «realizacyi palityki hienacydu ŭ dačynieńni da žycharoŭ respublik», a taksama ŭmacavać mir i stabilnaść u rehijonie i «pakłaści pačatak pracesu mižnarodnaha pryznańnia abiedźviuch dziaržaŭ».
Va Ukrainie zajavili, što mahčymaje pryznańnie niepryznanych respublik budzie aznačać aŭtamatyčny vychad ź Minskich pahadnieńniaŭ.
Tak zvanyja DNR i ŁNR źjaŭlajucca častkaj Ukrainy. Pryznańnie ich suvierenitetu moža stać pieršaj častkaj uvarvańnia tudy rasijskich vojskaŭ z pryčyny «abarony» hramadzian ad ukrainskaj «ahresii». Padobny scenaryj byŭ realizavany ŭ Krymie.
Vialikaja hutarka ź Lesiaj Rudnik pra seksizm, muža-reślera, zarobak doktarki navuk u Šviecyi, apazicyju i pamyłku Jeŭrasajuza19
Kamientary