Jeŭrasajuz pašyryŭ finansavyja sankcyi na «Bank raźvićcia» i «Bank Dabrabyt»
U aficyjnym časopisie Rady Jeŭrasajuza było apublikavanaje jaje rašeńnie, pryniataje 18 lutaha. Im uniesienyja źmieny ŭ rašeńnie ab uviadzieńni sankcyj, pryniataje ŭ červieni minułaha hoda. Tady pad sankcyi ES trapili «Biełarusbank», «Bielinviestbank» i «Biełahraprambank». Ciapier da ich dadalisia «Bank raźvićcia» i «Bank Dabrabyt».
Dla hetych bankaŭ zakryvajecca mahčymaść pryciahnieńnia pazykaŭ terminam bolš za 90 dzion, a taksama pravodzić apieracyi z kaštoŭnymi papierami z terminam zvarotu bolš za 90 dzion.
Sankcyi taksama pašyranyja na techničnuju dapamohu abo pasiarednickija pasłuhi ŭ dačynieńni da tavaraŭ i technałohij padvojnaha pryznačeńnia, a taksama pramoje abo ŭskosnaje finansavańnie pastavak takich tavaraŭ i technałohij. Raniej była uviedzienaja zabarona na ich pastaŭki.
Źmienienyja farmuloŭki ŭ artykułach, jakija tyčacca sankcyj u dačynieńni da naftavaj haliny. Ciapier zabaraniajecca impartavać naŭprost ci ŭskosna naftu i hazapadobnyja vuhlevadarodnyja pradukty, jakija pachodziać ź Biełarusi abo vyviezienyja ź Biełarusi. Raniej vykarystoŭvaŭsia termin «naftapradukty».
Pry hetym sam pieralik kodaŭ tavarnaj namienkłatury nie źmienieny. Sankcyi pa-raniejšamu tyčacca tavaraŭ z kodami 2710, 2711, 2712, 2713, 2715. Pry hetym ahavorvajecca, što zabarona nie tyčycca tranzitu praź Biełaruś nafty i hazapadobnych vuhlevadarodnych praduktaŭ, jakija pachodziać z trecich krain.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary