Žurnalistku «Novaha Času» Dzijanu Sieradziuk i jaje muža asudzili na 15 sutak
Žurnalistku «Novaha Času» Dzijanu Sieradziuk i jaje muža Jaŭhiena Baturu zatrymali ŭviečary 3 sakavika na vychadzie z kafiedralnaha sabora Śviatoha Ducha, dzie biełaruskija maci ładzili supolnuju malitvu ab spynieńni napadu Rasii na Ukrainu.
Noč Dzijana Sieradziuk i jaje muž praviali na Akreścina.
Sudzili ich siońnia ŭ Centralnym sudzie Minska praz Skajp. Abiedźvie spravy razhladaŭ sudździa Dźmitryj Karsiuk.
Na sudździe Jaŭhien Batura paprasiŭ prahledzieć zapisy kamier i rehistrataraŭ. Śviedka-milicyjant paviedamiŭ, što rehistrataraŭ nie było, a kamiery pa techničnych pryčynach nie pracavali.
Jaŭhiena asudzili na 15 sutak (art. 24.3 KaAP RB).
Dzijanu Sieradziuk taksama abvinavacili ŭ parušeńni art. 24.3. Jana paprasiła pieranieści pasiadžeńnie, kab prajści miedycynskaje abśledavańnie. Sudździa admoviŭ u chadajnictvie, ale abiacaŭ mieć heta na ŭvazie.
Toj ža zašyfravany śviedka Alaksandraŭ A. A. śćviardžaje, što Dzijana była zatrymanaja kala 17:40 na vuł. Kiryła i Miafodzija. U dvary RUUS kala 18:00 stała ŭpiracca i admaŭlacca vychodzić z aŭtamabila. Zapisaŭ videakamier taksama niama. Na pytańnie Dzijany, čamu jana «akazvała supraciŭ» nie pry zatrymańni, a kali pryvieźli ŭ pastarunak, śviedka adkazaŭ, što «nie viedaje jaje matyvaŭ».
«Vam nie soramna?» — spytała Dzijana. Sudździa źniaŭ pytańnie.
U vyniku Dzijanu taksama asudzili na 15 sutak.
Čytajcie taksama:
«Tut poŭnaja carkva cicharoŭ…» Žančyna, što była na malitvie za mir, raskazvaje, jak AMAP zatrymlivaŭ ludziej
Ciapier čytajuć
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady5
Na vajskovyja zbory masava zabirajuć hrodziencaŭ. A što minčuki? Padrychtujciesia, vaša čarha — 2027‑2028 hady
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2929
Kamientary