Staršyniu apalnaha Sajuzu palakaŭ vyklikali na dopyt pa spravie ananimnaha lista, u jakim jaje vinavaciać u raspaŭsiudzie polskaha nacyjanalizmu, paturańni biełaruskaj apazicyi i finansavych parušeńniach.
Staršyniu apalnaha Sajuzu palakaŭ vyklikali na dopyt pa spravie ananimnaha lista, u jakim jaje vinavaciać u raspaŭsiudzie polskaha nacyjanalizmu, paturańni biełaruskaj apazicyi i finansavych parušeńniach.
Anžaliku Borys 13 žniŭnia vyklikali ŭ RUUS Leninskaha rajonu Hrodna na dopyt. Nahodaj staŭ ananimny list, u jakim staršyniu Sajuzu vinavaciać u raspaŭsiudzie polskaha nacyjanalizmu na terytoryi Biełarusi, paturańni biełaruskaj apazicyi — SPB rehularna dapamahaje z pamiaškańniem hrodzienskim siabram Abjadnanaj hramadzianskaj partyi i niezarehistravanaj Biełaruskaj chryścijanskaj demakratyi. Akramia taho, u liście Borys abvinavačvali ŭ finansavych machinacyjach. Što praŭda, tut nie było nijakaj kankretyki.
Jak paviedamiła «NN» Anžalika Borys, nasamreč list byŭ padpisany imiem i proźviščam adnaho ź siabroŭ SPB.«Heta Edmund Dyśko, jaho ŭžo vyklikali ŭ milicyju, dzie jon patłumačyŭ, što nie maje da lista nijakaha dačynieńnia» — patłumačyła spadarynia Borys. Pa jaje słovach, E. Dyśko ŭžo napisaŭ skarhi ŭ pravaachoŭnyja orhany. Jana miarkuje, što adnaŭleńnie praktyki pravakacyj suprać kiraŭnictva apalnaha sajuzu možna patłumačyć padrychtoŭkaj čarhovaha źjezdu praŭładnaha sajuzu palakaŭ.
Naprykancy lista jahony «aŭtar» prasiŭ «razabracca i paŭpłyvać». Kastryčnicki RUUS vyrašyŭ nie adkładać pravierku u doŭhuju skryniu.«Mnie patelefanavali adtul i paviedamili, što buduć praviarać finansavuju dziejnaść firmy «Pałonika», jakoj ja kiruju» – raspaviała A. Borys. Siońnia ž joj patelefanavaŭ ananim i nastojliva paraiŭ pryniać «aptymalnaje rašeńnie» nakont dziejnaści «Pałoniki», inakš jaje «likvidujuć u vyniku pravierki». Kiraŭnica sajuzu pasprabavała vyśvietlić pa tym numary, chto joj telefanavaŭ, ale ŭžo inšy mužčyna zapeŭniŭ, što ničoha nie viedaje.
Heta nie pieršaja pravakacyja suprać kiraŭnictva SPB. U lutym u Sapockinie, što ŭ Hrodzienskim rajonie, źjavilisia ŭlotki, zroblenyja na błanku Sajuza palakaŭ u Biełarusi, jakija zaklikajuć biełaruskich palakaŭ prafinansavać źjezd SPB. U sakaviku ŭ paštovyja skrynki ŭ domie, dzie žyvie staršynia Sajuzu palakaŭ, nieviadomyja raskidali vyrablenyja ŭ fotašopie zdymki parnahrafičnaha źmiestu ź jaje ŭdziełam.
Ciapier čytajuć
Stała viadoma imia jašče adnaho pałkoŭnika DFR, aryštavanaha KDB. Jon raskazvaŭ sukamiernikam, jak jaho katavali10
Kamientary