Patryjarch Kirył nazvaŭ niečakanuju pryčynu «kanfliktu na Danbasie». Ukrainu ŭzhadaŭ tolki adnojčy, malicca za jaje nie zaklikaŭ
Patryjarch Maskoŭski i ŭsiaje Rusi Kirył u propaviedzi napiaredadni Vialikaha Pasta ŭ chramie Chrysta Zbaŭcy ŭ Maskvie zakranuŭ i ŭkrainskuju tematyku.
Patryjarch Kirył pačaŭ pramovu z taho, što «sioletniaja viasna azmročanaja ciažkimi padziejami, źviazanymi z paharšeńniem palityčnaj situacyi na Danbasie, vajnu jon nazvaŭ «praktyčna pačatkam vajennych dziejańniaŭ». Pra toje, što vajna idzie nie tolki na Danbasie, ale i va ŭsioj astatniaj Ukrainie patryjarch nie zhadaŭ.
Ale jon najšoŭ pryčynu hetaha «paharšeńnia palityčnaj situacyi na Danbasie». Heta hiej-parady.
«Vosiem hadoŭ iduć sproby źniščyć toje, što isnuje na Danbasie. A na Danbasie isnuje nieprymańnie, pryncypovaje nieprymańnie tak zvanych kaštoŭnaściaŭ, jakija siońnia prapanujucca tymi, chto pretenduje na suśvietnuju ŭładu.
Siońnia jość taki test na łajalnaść hetaj uładzie, niejki propusk u toj «ščaślivy» śviet, śviet zališniaha spažyvańnia, śviet bačnaj «svabody». A viedajecie, što heta za test? Test vielmi prosty i adnačasova žudasny ‒ heta hiej-parad.
Patrabavańni da mnohich pravieści hiej-parad i źjaŭlajucca testam na łajalnaść tamu samamu mahutnamu śvietu; i my viedajem, što kali ludzi ci krainy admaŭlajuć hetyja patrabavańni, to jany nie ŭvachodziać u toj śviet, jany stanoviacca dla jaho čužymi».
U pramovie jon zaklikaŭ malicca za «bratoŭ na Danbasie». Malicca za bratoŭ u astatniaj Ukrainie jon nie zaklikaŭ.
«Siońnia našyja braty na Danbasie, pravasłaŭnyja ludzi, niesumnienna, pakutujuć, i my nie možam nie być ź imi — najpierš u malitvie. Treba malicca, kab Haspodź dapamoh im zachavać vieru pravasłaŭnuju, nie paddacca spakusam. Adnačasova my pavinny malicca ab tym, kab jak maha chutčej nastupiŭ śviet, kab pierastała licca kroŭ našych bratoŭ i siaścior, kab Haspodź prychiliŭ miłaść Svaju da šmatpakutnaj Danbaskaj ziamli, što vosiem hadoŭ niasie na sabie hetuju žurbotnuju piačatku, jakaja naradžajecca čałaviečym hrachom i nianaviściu».
«Uvachodziačy na nivu Vialikaha postu», jon zaklikaŭ pastaracca «prabačyć usim».
Uładzimir Zialenski, vystupajučy sa svaim zvarotam u Daravalnuju niadzielu, raspavioŭ, čaho ukraincy nikoli nie prabačać.
Ciapier čytajuć
Mabilnym apierataram zabaranili zahaniać biełarusaŭ u vialiki minus8
Mabilnym apierataram zabaranili zahaniać biełarusaŭ u vialiki minus
Viadomy partret Kahanca akazaŭsia savieckim fejkam, zatoje znajšłosia adzinaje fota archieołaha Tatura. Razhadanyja fotatajamnicy Biełaruskaha muzieja ŭ Vilni
Kamientary