Piatro Parašenka paabiacaŭ udar u adkaz, kali biełaruskija sałdaty pojduć vajavać va Ukrainie
Piaty prezident Ukrainy Piotr Parašenka raspavioŭ, što čyrvonuju rysu Łukašenka ŭžo pierakročyŭ, i paabiacaŭ udar pa Biełarusi ŭ adkaz u vypadku ŭdziełu biełaruskich sałdat u vajnie va Ukrainie.
«Čyrvonuju rysu» Łukašenka pierasiok. Biełaruś de-fakta ŭdzielničaje ŭ ahresii suprać našaj krainy. Padčas piaci hadoŭ majho prezidenctva Łukašenka nieadnarazova publična zajaŭlaŭ, što nikoli ź biełaruskaj terytoryi nie ŭvojdzie va Ukrainu nivodzin zamiežny sałdat. A kali budzie niejkaja husieničnaja technika, to heta moža być tolki traktar. Heta jon zajaviŭ u Čarnobyli.
I ciapier mienavita ź Biełarusi praz Čarnobyl podła, u śpinu byŭ naniesieny ŭdar. I hetaja hrupoŭka ciapier składaje asnoŭnuju pahrozu Kijevu. Jany zachapili Čarnobylskuju stancyju. Mienavita jany viaduć źniščalny ahoń pa hramadzianskich kvartałach Čarnihava. Mienavita jany zabivajuć mirnych žycharoŭ. Mienavita jany ździejśnili humanitarnuju katastrofu. Maradziory, terarysty — toje, što jany ździejśnili ŭ Hastomieli, Bučy, Irpieni. I siońnia hetyja kadry abyšli ŭvieś śviet. I jany składajuć karcinu Stalinhrada Druhoj suśvietnaj vajny abo Alepa ŭ Siryi. Heta ŭsio — pramaja adkaznaść Łukašenki», — skazaŭ Parašenka.
Jon nahadaŭ, što ŭkraincy vajujuć za svaju ziamlu, a biełaruskija sałdaty, na jaho dumku, pratrymajucca va Ukrainie niadoŭha.
«A ŭdar u adkaz budzie naniesieny, i Łukašenka tam nie zastaniecca, kali jon kančatkova źjedzie z hłuzdu i addaść zahad ab udziele biełaruskich sałdat na našaj terytoryi», — dadaŭ Parašenka.
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1515
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu15
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary