Prarektarka Akademii mastactvaŭ pryncypova admoviłasia padpisvać zahad ab adličeńni studentaŭ
27 kastryčnika z Akademii mastactvaŭ adličyli troch studentaŭ mastackaha fakulteta, jašče dvaim vynieśli vymovu.
BDAM stała pieršaj VNU, dzie pačali adličvać bastujučych studentaŭ paśla zahadu Alaksandra Łukašenki.
Pavodle infarmacyi «Našaj Nivy», najbližejšym časam z Akademii buduć adličanyja i studenty inšych fakultetaŭ.
Pryncypovuju pazicyju zaniaŭ fakultet dyzajnu, kiraŭnictva jakoha admoviłasia adličvać svaich studentaŭ, ale znajšlisia ludzi, što afarmlajuć zahady ŭ abychod dekanata.
Mnohija źviarnuli ŭvahi, što ŭ zahadzie ab adličeńni studentaŭ Akademii mastactvaŭ adsutničaje podpis prarektarki pa vučebnaj pracy Aleny Bochan. «Našaj Nivie» stała viadoma ź niekalkich krynic, što jana pryncypova admoviłasia padpisvacca pad dakumientam.
Što tyčycca adsutnaści podpisaŭ načalnika Vučebna-mietadyčnaha abjadnańnia Iryny Savaścinkievič i dekana mastackaha fakulteta Hanny Konanavaj, to jany chvarejuć.
Rektar Akademii mastactvaŭ — mastactvaznaŭca Michał Barazna.
Alena Bochan — kandydat mastactvaznaŭstva, dacent. U BDAM pracuje ad 2000 hoda, a z 2013 — prarektarka pa vučebnaj pracy. Navukovyja intaresy — biełaruskaje prafiesijnaje i narodnaje mastactvy.
Spadarynia Bochan — dačka paeta Siarhieja Zakońnikava, a taksama ŭdava historyka Jurasia Bochana, jaki pamior u 2017 hodzie va ŭzroście 51 hod.
«Jana nie vyhladała ščyraj, była ŭ mascy». Paŭlučenka pra sustreču Kaleśnikavaj ź biełaruskimi žurnalistami12
Kamientary