Ukazam Łukašenki da 8 Sakavika pamiłavanyja niekalki asudžanych za pratesty žančyn. Aficyjoz hłumliva nazyvaje heta «asablivym aktam humanizmu»
Jak adznačaje aficyjoznaja BiełTA, paviedamlajučy pra vyzvaleńnie žančyn, «usie jany ščyra raskajalisia ŭ zroblenym i ŭ bližejšy čas sustrenucca sa svaimi rodnymi i blizkimi. Žančyny byli asudžanyja za roznyja supraćpraŭnyja dziejańni, źviazanyja z pratesnaj dziejnaściu».
Proźviščy vyzvalenych i ich kolkaść pakul što nie nazyvajucca, ale apublikavanyja fota i videa prynamsi niekatorych. Zdajecca, ich čaćviora.
Vyzvalenyja žančyny całkam ci im prosta źmienienaja adna miera pakarańnia na inšuju, bolš miakkuju, pakul što nieviadoma.
Raniej pravaabaroncy pisali, što siońnia ŭviečary z homielskaj kałonii pavinny byli vyzvalić Anastasiju Jaraševič i Natallu Turavu. Pra heta sami žančyny raspaviali svaim rodnym.
Anastasija Jaraševič — 20-hadovaja žycharka Lidy, asudžanaja da 2 hadoŭ kałonii za «hvałt u dačynieńni da supracoŭnika milicyi» (art. 364 KK).
Pavodle abvinavačańnia, dziaŭčyna chacieła pieraškodzić milicyjantam zatrymać nieviadomaha mužčynu: Anastasija sarvała pahony ŭ dvuch milicyjantaŭ, a adnamu jašče i naniesła ŭdar u hałavu.
Natalla Turava — žycharka Bresta, asudžanaja na 1 hod i 1 miesiac kałonii pa kryminalnaj spravie ab abrazie prezidenta (art. 368 KK) i ab źniščeńni dakumientaŭ (art. 377 KK).
Pavodle abvinavačvańnia, 27 traŭnia 2021 hoda dadomu da Natalli pryjechała milicyja. Tam žančyna «publična abraziła» Łukašenku słovami «u nas hr*banoje hosudarstvo» i «hr*banyj priezidient», a zatym razarvała pratakoł.
Ciapier čytajuć
Što pościać biełaruskija sielebrycis, jakija apynulisia pad bombami i dronami ŭ krainach Bližniaha Uschodu7
Kamientary