Rašeńnie ab spynieńni handlovych adnosin pryniaŭ siońnia ŭrad Ukrainy. Ab hetym paviedamiła pieršy vice-premjer-ministr Ukrainy Julija Śvirydzienka.
«Zabarona rasijskaha impartu budzie błakavać štohadovyja valutnyja pastupleńni minimum na 6 młrd dalaraŭ. Heta značyć, hetyja srodki nie atrymaje biudžet voraha, jon nie zmoža ich nakiravać na finansavańnie vajny. My zamacavali heta siońnia jurydyčna, rašeńniem Kabinieta ministraŭ», ‒ skazała jana.
Taksama siońnia ŭradam pryniata rašeńnie ab prymusovym adčužeńni majomaści dvuch rasijskich bankaŭ na terytoryi Ukrainy.
«My pryniali rašeńnie ab kanfiskacyi karparatyŭnych pravoŭ finansavych ustanoŭ, jakija poŭnaściu abo častkova naležać rezidentam Rasii, havorka idzie ab «Aščadbanku Rasii», ab «Akcyjaniernym pramysłovym inviestycyjnym banku». Ukraina spahaniaje častku finansavych aktyvaŭ u vyhladzie pravoŭ, srodkaŭ, jakija jość na rachunkach, ablihacyj, depazitnych siertyfikataŭ», ‒ raspaviała Śvirydzienka.
Ciapier čytajuć
«Jak tolki čujuć pra Rasiju — dyk usio… U čym prablema?» U Minsku nie chočuć zdavać kvateru čałavieku z rasijskim pašpartam14
Kamientary