Рашэнне аб спыненні гандлёвых адносін прыняў сёння ўрад Украіны. Аб гэтым паведаміла першы віцэ-прэм'ер-міністр Украіны Юлія Свірыдзенка.
«Забарона расійскага імпарту будзе блакаваць штогадовыя валютныя паступленні мінімум на 6 млрд даляраў. Гэта значыць, гэтыя сродкі не атрымае бюджэт ворага, ён не зможа іх накіраваць на фінансаванне вайны. Мы замацавалі гэта сёння юрыдычна, рашэннем Кабінета міністраў», ‒ сказала яна.
Таксама сёння ўрадам прынята рашэнне аб прымусовым адчужэнні маёмасці двух расійскіх банкаў на тэрыторыі Украіны.
«Мы прынялі рашэнне аб канфіскацыі карпаратыўных правоў фінансавых устаноў, якія поўнасцю або часткова належаць рэзідэнтам Расіі, гаворка ідзе аб «Ашчадбанку Расіі», аб «Акцыянерным прамысловым інвестыцыйным банку». Украіна спаганяе частку фінансавых актываў у выглядзе правоў, сродкаў, якія ёсць на рахунках, аблігацый, дэпазітных сертыфікатаў», ‒ распавяла Свірыдзенка.
Цяпер чытаюць
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам15
«Толькі тры чалавекі будуць ведаць пра вас. Самы першы чалавек краіны». З'явіліся запісы размоў шпіёнкі Іны Кардаш з куратарам
«Лукашэнка павінен панесці адказнасць за саўдзел у расійскай агрэсіі». Міністр замежных спраў Украіны расказаў пра новую палітыку ў дачыненні да Беларусі2424
Каментары