Prypynili prava pradstaŭnictva Biełarusi i Rasii ŭ Bałonskim pracesie
Ukrainski ministr adukacyi i navuki Siarhiej Škarlet paviedamiŭ pra prypynieńnie prava pradstaŭnictva Biełarusi i Rasii ŭ Bałonskim pracesie. Pavodle jaho słoŭ, prypynienaje i prava pradstaŭnictva u pracoŭnych hrupach, va ŭsich strukturach i pracoŭnaj prahramie Jeŭrapiejskaj prastory vyšejšaj adukacyi.
Padstavaj dla rašeńnia stała zajava, padtrymanaja dziasiatkami členaŭ Bałonskaha pracesu. Pryčyna — ahresija suprać Ukrainy.
Bałonski praces abjadnoŭvaje sistemy vyšejšaj adukacyi asobnych krain u adzinuju prastoru. Jon atrymaŭ nazvu ad horada Bałońja, što na poŭnačy Italii. Tam u 1999 hodzie jaho raspačali pradstaŭniki 29 jeŭrapiejskich krain. Ciapier hetych krain užo 48. Kab uvajści ŭ Bałonski praces, sistemy adukacyi ŭnifikujucca ŭ adpaviednaści ź niekalkimi asnoŭnymi patrabavańniami.
Pa-pieršaje, heta dvuchstupienčataja sistema adukacyi: bakałaŭryjat i mahistratura.
Pa-druhoje, heta Jeŭrapiejskaja sistema pieravodu i nakapleńnia bałaŭ (ECTS), jakaja dazvalaje VNU ź lohkaściu acanić asvojeny studentam abjom viedaŭ, a studentu — pieravieścisia ŭ inšuju VNU (navat u inšaj krainie) biez doŭhaj vałakity ci zaličyć stažyroŭku.
Pa-treciaje, Bałonski praces praduhledžvaje vydaču supastaŭnych stupieniaŭ, dadatkaŭ da dypłomaŭ, jakija dakładna paviedamlajuć pra śpiecyjalizacyju vypusknika. Heta i jość toje samaje «pryznańnie dypłomaŭ»: advučyŭsia ŭ Hiermanii — pracuj pa ŭsioj Jeŭropie biez dadatkovaj nieabchodnaści paćviardžać svaju kvalifikacyju.
Bałonski praces stvaraje ŭmovy dla mabilnaści studentaŭ i vykładčykaŭ, heta sapraŭdnaja transnacyjanalnaja sistema adukacyi.
Važna taksama, što Bałonski praces hruntujecca na demakratyčnych kaštoŭnaściach i patrabuje ad univiersitetaŭ pavažać akademičnyja svabody (svabodu słova, svabodu pierakanańniaŭ, svabodu navukovaha pošuku). Patrabujecca i šyroki ŭdzieł studentaŭ i vykładčykaŭ u kiravańni adukacyjnymi pracesami.
Biełaruś stała častkaj Bałonskaha pracesu ŭ 2015 hodzie. Heta dało joj peŭnyja mahčymaści (akademičnyja abmieny, pryznańnie dypłomaŭ za miažoj), ale i abaviazalnictvy pa zabieśpiačeńni ŭsich standartaŭ. Ale mnohija ź ich u Biełarusi nie vykonvalisia zusim, a inšyja tolki farmalna.
Ciapier čytajuć
«Na 15 chvilin vyklučyli śviatło — boža moj, z Ukrainaj paraŭnali». Łukašenka patłumačyŭ, kolki ekanomić na vuličnym aśviatleńni42
Kamientary