«Biełaja Ruś» viazie pradukty ŭ «vyzvalenyja zony», ale «zajazdžać na terytoryju Ukrainy nie budzie»
Hramadskaje abjadnańnie «Biełaja Ruś» i «Fond Tałaja» abvieścili zbor praduktaŭ, srodkaŭ asabistaj hihijeny i miedykamientaŭ dla «siemjaŭ Danbasa, dziaciej i paranienych ludziej, mirnaha ŭkrainskaha nasielnictva». Čytačka «Našaj Nivy» patelefanavała ŭ «Biełuju Ruś» i pacikaviłasia, u jakija ŭkrainskija harady dastaviać dapamohu.
Na hetaje pytańnie adkazała Natalla Klimovič, viadučy śpiecyjalist pa arhanizacyjna-kadravaj pracy «Biełaj Rusi».
«Na mašynach zaviazuć niepasredna tudy, dzie ŭciekačy znachodziacca, u Danieckuju ci Łuhanskuju respubliku. Abo vyzvalenyja zony. Zajazdžać na terytoryju Ukrainy my nie budziem. Tolki tudy, dzie znachodziacca ŭciekačy.
Lepš prynosić usio biełaruskaj vytvorčaści. Vy ž viedajecie, što asabliva biełaruskija pradukty karystajucca papularnaściu», — paraiła Natalla Klimovič.
«DNR» i «ŁNR» — heta mižnarodna pryznanyja častki Ukrainy. Jak «Biełaja Ruś» źbirajecca vieźci dapamohu, «nie zajazdžajučy na terytoryju Ukrainy», — pytańnie.
Što da ŭciekačoŭ, to, pavodle źviestak AAN, prykładna 10 miljonaŭ ukraincaŭ stali biežancami ŭ vyniku napadu Rasii. Ź ich bolš za pałovu pierajechała z uschodu Ukrainy na zachad, pad Lvoŭ, Vińnicu, u Karpaty. Amal 3 miljony biežancaŭ pryniała Polšča.
U samoj abjavie paznačana, što patrabujucca pradukty, dziciačaje charčavańnie, srodki asabistaj hihijeny, novaje dziciačaja adździeńnie, miedykamienty pieršaj nieabchodnaści.
«Biełaja Ruś» — adna z łukašenkaŭskich hramadskich arhanizacyj. Mienavita vyłučency ad «Biełaj Rusi», roŭna jak i Fiederacyi prafsajuzaŭ, BRSM, Čyrvonaha Kryža, Sajuza žančyn i vieteranskaj arhanizacyi, składajuć kaściak vybarčych kamisij. Alaksiej Tałaj — 39-hadovy spartoviec-paralimpijec, jaki aktyŭna padtrymlivaje Alaksandra Łukašenku.
U Lvovie rasijskaja kryłataja rakieta papała ŭ šynamantaž. Zahinuli siem čałaviek
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom23
Kamientary