U Rasii chočuć zasakrecić danyja ab siemjach zahinułych va Ukrainie vajskoŭcaŭ
Minabarony Rasii prosić urad pieradać vajenkamatam paŭnamoctvy pa vydačy paśviedčańniaŭ člena siamji vajennaha, jaki zahinuŭ na vajnie va Ukrainie. Pra heta havorycca ŭ prajekcie pastanovy, jakuju padrychtavała viedamstva. Uvahu na jaje źviarnuła ruskaja słužba BBC.
Vydańnie piša, što danyja pra zahinułych vajskoŭcach pry praviadzieńni «śpiecapieracyj» jašče z 2015 hoda stali dziaržtajamnicaj, ale lhoty členam siemjaŭ zahinułych afarmlajuć piensijnyja fondy i rajonnyja administracyi, jakija rehistrujuć vydadzienyja paśviedčańni ŭ śpiecyjalnych knihach uliku. Minabarony prosić urad pieradać hetyja paŭnamoctvy vajenkamatam.
U tłumačalnaj zapiscy da prajekta havorycca, što zasakrecić danyja nieabchodna «ŭ metach abmiežavańnia koła asob, jakija majuć dostup da źviestak pra členaŭ siemjaŭ vajennasłužačych Uzbrojenych sił RF, jakija zahinuli (pamierli) pry vykanańni zadač u chodzie śpiecyjalnaj vajennaj apieracyi na terytoryjach Ukrainy, DNR i ŁNR».
Ciapier imiony zahinułych va Ukrainie rasijskich vajskoŭcaŭ raskryvajuć rehijanalnyja čynoŭniki i sami svajaki ci siabry. Minabarony nie publikuje śpisy. Apošni raz u viedamstvie rabili spravazdaču ab stratach 25 sakavika, paviedamiŭšy pra hibiel 1351 vajennasłužačaha.
U Hienštabie Ukrainy śćviardžajuć, što da 19 krasavika kolkaść zahinułych rasijskich vajskoŭcaŭ pieravysiła 20 tysiač.
Kubań, Tatarstan, Samara, Nižnievartaŭsk — pa ŭsioj Rasii chavajuć zahinułych va Ukrainie vajskoŭcaŭ
Ciapier čytajuć
Ajcišnika z «Varhiejminha» sudzili pa rasstrelnym artykule. Padobna, za padtrymku Ukrainy — praŭda, zrabić jon ničoha nie paśpieŭ1
Kamientary