Hramadstva

Łukašenka choča, kab advakaty byli «dziaržaŭnymi ludźmi», a na «prydumanuju» svabodu zabylisia

Siońnia Łukašenka prymaje z dakładam ministra justycyi Siarhieja Chamienku.

«Advakat pavinien vykonvać svaje funkcyi, nie bajučysia ničoha, ale ŭ toj ža čas my pavinny razumieć, što heta dziaržaŭny čałaviek.

I jaho dziejańni pavinny być zasnavanyja na normach zakona, a nie niejkich prydumanych normach — svabody słova i inšych svabod. My ŭžo najelisia hetaj svabody. Dziakuj bohu, ubačyli, jakuju svabodu nam siudy niasuć», — skazaŭ Łukašenka.

Siarhiej Chamienka byŭ pryznačany ministram justycyi letaś u kastryčniku. Da hetaha jon byŭ namieśnikam ministra ŭnutranych spraŭ, kamandavaŭ unutranymi vojskami. Łukašenka zaznačyŭ, što novy ministr mieŭ mahčymaść pahladzieć na Miniust «śviežym pohladam». 

Łukašenka daručyŭ Miniustu nieadkładna razhortvać pracu pa narmatvorčaści ŭ padtrymku novaj Kanstytucyi i «praciahvać pracu pa ŭdaskanaleńni zakanadaŭstva pa pytańniach dziejnaści palityčnych partyj i inšych hramadskich abjadnańniaŭ». 

«Ludziam treba rastłumačyć paniaćcie «hramadzianskaja supolnaść» i vyrazna adlustravać heta ŭ zakanadaŭstvie», — skazaŭ jon. 

Pavodle źviestak Miniusta, kolkaść palityčnych partyj i prafiesijnych sajuzaŭ u Biełarusi za apošni čas nie źmianiłasia — 15 i 25 adpaviedna.

A voś kolkaść hramadskich abjadnańniaŭ źniziłasia da 2978, što źviazana ź ich «invientaryzacyjaj, praviedzienaj orhanami justycyi va ŭzajemadziejańni z pravaachoŭnikami».

U krainie, pa danych Miniusta, za minułyja paŭhoda likvidavana 116 hramadskich abjadnańniaŭ.

Łukašenka, prymajučy z dakładam ministra justycyi Siarhieja Chamienku, źviarnuŭ uvahu na «budučuju vialikuju pracu ŭ partyjnym budaŭnictvie i naviadzieńni paradku ŭ hramadskich abjadnańniach», paviedamlaje BIEŁTA. 

Za apošnija paŭtara hoda dziasiatki advakataŭ byli pazbaŭlenyja licenzij, niekatoryja vyjšli z składu kalehij samastojna. Taksama byŭ pryniaty novy zakon ab advakatury, pavodle jaho abaroncy nie mohuć pracavać indyvidualna abo ŭ advakackim biuro — tolki ŭ składzie jurydyčnych kansultacyj.

Siabruje z kiraŭnikom HUBAZiK. Što viadoma pra Siarhieja Chamienku, jaki staŭ novym ministram justycyi

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

62-hadovuju namieśnicu dyrektara minskaj himnazii adpravili ŭ kałoniju za palityku3

62-hadovuju namieśnicu dyrektara minskaj himnazii adpravili ŭ kałoniju za palityku

Usie naviny →
Usie naviny

Hiermanija pieradała Ukrainie try sistemy Patriot2

U Šatłandyi školnik znajšoŭ na plažy abłomki karabla XVIII stahodździa

Student prajhraŭ u karty i pajšoŭ u kramu pa šakaładku absalutna hoły7

Adznačyła svoj pieršy dzień naradžeńnia samaje niedanošanaje dzicia śvietu1

Pastavić namiot — ad 70 rubloŭ, šaŭrma pa 20, duš za 10: jak sielota prachodzić Viva Braslav13

«Siońnia my žyviem u kulturnym hramadstvie». Čamu haspadar niezvyčajnaj kramy samaabsłuhoŭvańnia na Paleśsi nie baicca kradziažoŭ2

Ułady zapeŭnivajuć, što paŭtornaha apoŭźnia ŭ viciebskim Viarchoŭi nie budzie

Biełaruś stała asnoŭnym imparcioram śvininy z Rasii. A raniej jana tudy miasa pradavała12

Tramp zajaviŭ, što amal spyniŭ čarhovuju vajnu3

bolš čytanych navin
bolš łajkanych navin

62-hadovuju namieśnicu dyrektara minskaj himnazii adpravili ŭ kałoniju za palityku3

62-hadovuju namieśnicu dyrektara minskaj himnazii adpravili ŭ kałoniju za palityku

Hałoŭnaje
Usie naviny →

Zaŭvaha:

 

 

 

 

Zakryć Paviedamić