«U mianie dziciačaja naiŭnaja mara — razam ź imi zajechać u horad Minsk». Bajcoŭ bataljona Kalinoŭskaha treniruje 69-hadovy aficer
Mikałaj Mołakaŭ — najstarejšy bajec u bataljonie Kalinoŭskaha. Jon pałkoŭnik u adstaŭcy, jaho śpiecyjalnaść — vajskovaja raźviedka, a pryjšoŭ dapamahać abaraniać Ukrainu ŭ jakaści instruktara pa vyžyvańni. Raniej rychtavaŭ raźviedčykaŭ i śpiecnaz. Choć sam jon pa pachodžańni ruski, a hramadzianin Ukrainy, u biełaruskim bataljonie adčuvaje siabie na svaim miescy.
Kali mužčyna paśla pačatku vajny źviarnuŭsia ŭ terabaronu, jamu admovili: «Vam ža vielmi šmat hadoŭ!» Uziali tolki na błokpost, jon prabyŭ tam dva dni i zanudziŭsia, zrazumieŭ, što nie jahonaje. A voś u biełaruskim bataljonie šmathadovuju vyvučku aficera acanili i zaprasili ŭ svaje šerahi, choć i nie adrazu.
«My padparadkoŭvajemsia praviłam USU, a heta značyć, u bataljon mohuć iści ludzi z 18 da 60 hadoŭ. Ale ŭ jakaści vyklučeńnia my ŭziali Mikałaja, bo ŭ jaho vialiki bajavy dośvied, jon udzielničaŭ u Afhanskaj vajnie, u vajnie 2014 hoda, i jamu jość što raskazać. Jon sapraŭdy jakasna i dobra treniruje našych bajcoŭ. Kali ŭ kahości jość taki ž vydatny dośvied, to ŭzrost — nie pieraškoda dla ŭstupleńnia da nas», — patłumačyli Fondu salidarnaści BYSOL u pres-słužbie bataljona Kastusia Kalinoŭskaha.
«Ja liču siabie ruskim, mama i tata — ruskija. Ale hramadskija farmacyi mianiajucca, prezidenty mianiajucca, a ludzi zastajucca. Kali ty čałaviek z charaktaram, z volaj, to ty im i zastaješsia niezaležna ad nacyi.
U hetaj vajnie Ukraina kłasna vyhladaje. Ja zadavoleny, što ja tut. Ja šmat dzie pabyvaŭ u Rasii, ale ŭ nas lepšaje hramadstva, dastatak i stan žyćcia. Nianaviści da ruskich nie adčuvaju, choć u bai ad mianie jany litaści nie dačakajucca. Z pałonnymi budziem razmaŭlać pa-inšamu, nie tak jak jany z našymi sałdatami.
Tak, ja zajmajusia padrychtoŭkaj bataljona Kalinoŭskaha.
Sami biełarusy mnie padabajucca. Čamu? Kali ludzi prychodziać pa poźvie vajenkamata, chočaš-nie chočaš, iści treba, inakš — turma. Inšaja sprava, kali ludzi praz usie pieraškody, što im stavić režym Łukašenki, prabirajucca siudy praz Polšču, «harać» (idejaj). Jany ŭsio cierpiać, kab navučycca pravilna vałodać zbrojaj i prajści padrychtoŭku.
U mianie dziciačaja naiŭnaja mara — razam ź imi zajechać u horad Minsk, pad rezidencyju Łukašenki.
Mnie pryjemna, što ja apynuŭsia jašče karysnym i krainie, i biełarusam! Moj pazyŭny «MMM»: heta prosta, bo heta pieršyja litary maich inicyjałaŭ na ŭkrainskaj movie», — raskazaŭ aficer Youtube-kanału bataljona.
Čytajcie taksama:
«Adpraŭlajem šlemy, aŭtatranspart». Andrej Stryžak raskazaŭ, jak BYSOL dapamahaje Ukrainie, i prakamientavaŭ pretenzii asobnych dobraachvotnikaŭ
«Spadziajusia, mianie prymuć u bataljon Kalinoŭskaha». 19-hadovy Cichan Klukač — pra katavańni palitviaźniaŭ i kachańnie, praniesienaje praz kraty
«Jak vyzvalim Ukrainu, pojdziem vyzvalać Minsk». Wall Street Journal apublikavaŭ vialiki artykuł pra dobraachvotnikaŭ va Ukrainie
Ciapier čytajuć
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk1
«Hetaja partyja prajhranaja». Biełaruskija daśledčyki — pra toje, u što pieratvaryłasia Akademija navuk
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu1616
«Na vybarach prezidenta ja b hałasavaŭ za Łatušku». Hutarka z patencyjnym śpikieram KR Arciomam Bruchanam — pra śmierć maci, tatuiroŭki i Mielnikavu16
«Ja skazaŭ na videa, što mianie nie katujuć — na toj momant heta było praŭdaj. A praź dźvie hadziny mianie źbili». Ukrainski žurnalist dva hady pravioŭ u rasijskim pałonie — voś što jon pieražyŭ11
Kamientary