Prezident Rasii Uładzimir Pucin padčas telefonnaj razmovy z tureckim lidaram Redžepam Taipam Erdahanam abmierkavaŭ situacyju ŭ Maryupali, paviedamlajecca na sajcie Kramla.
Jak udakładniajecca ŭ paviedamleńni, pytańnie ab situacyi ŭ Maryupali zakranuŭ prezident Turcyi. Pucin u adkaz zajaviŭ, što «hety horad vyzvaleny i bajavyja dziejańni tam nie viaducca», paviedamili ŭ Kramli.
Kažučy pra ŭkrainskich vajennych, zabłakavanych na terytoryi «Azoŭstali», Pucin zajaviŭ, što «kijeŭskija ŭłady pavinny ŭziać na siabie palityčnuju adkaznaść i, kirujučysia humannymi mierkavańniami, addać im zahad skłaści zbroju».
«Vajennapałonnym harantujecca žyćcio, miedycynskaja dapamoha i abychodžańnie ŭ adpaviednaści ź mižnarodna-pravavymi normami», — adznačyli ŭ Kramli.
Kamientary