Deputaty znajšli jašče adnu pryčynu rasstrelvać biełarusaŭ

Pałata pradstaŭnikoŭ adrazu ŭ dvuch čytańniach pryniała papraŭki ŭ Kryminalny kodeks. Jany praduhledžvajuć ŭzmacnieńnie žorstkaści pakarańnia za zamach na ździajśnieńnie aktaŭ teraryzmu, piša reform.by

«Prajekt zakona padrychtavany ŭ metach akazańnia strymlivajučaha ŭździejańnia na destruktyŭnyja elemienty, a taksama demanstracyi rašučaj baraćby dziaržavy z terarystyčnaj dziejnaściu. Zakonaprajektam prapanujecca ŭniasieńnie źmianieńniaŭ u Kryminalny kodeks Respubliki Biełaruś, jakija praduhledžvajuć mahčymaść prymianieńnia vyklučnaj miery pakarańnia ŭ vyhladzie śmiarotnaha pakarańnia za zamach na ździajśnieńnie aktaŭ teraryzmu», — paviedamlaje pres-słužba Pałaty pradstaŭnikoŭ.

Detali źmianieńniaŭ u KK nie raskryvajucca.

U siońniašniaj redakcyi Kodeksa śmiarotnaje pakarańnie pa artykułach, źviazanych z teraryzmam, praduhledžanaje za:

— ździajśnieńnie aktu teraryzmu ŭ dačynieńni da pradstaŭnika zamiežnaj dziaržavy abo mižnarodnaj arhanizacyi (zabojstva pradstaŭnika zamiežnaj dziaržavy abo mižnarodnaj arhanizacyi ŭ metach pravakacyi mižnarodnych uskładnieńniaŭ ci vajny abo destabilizacyi hramadskaha paradku ŭ zamiežnaj dziaržavie — č. 2 art. 124;

— akt mižnarodnaha teraryzmu ŭ składzie arhanizavanaj hrupy, albo z užyvańniem atamnaj enierhii, radyjeaktyŭnych i taksičnych rečyvaŭ i h. d. — č.3. art 126;

— akt teraryzmu, učynieny arhanizavanaj hrupaj, albo z prymianieńniem abjektaŭ vykarystańnia atamnaj enierhii, albo z vykarystańniem radyjeaktyŭnych rečyvaŭ albo jadziernych materyjałaŭ, mocnadziejnych, taksičnych chimičnych ci bijałahičnych rečyvaŭ abo spałučanyja z zabojstvam čałavieka — č. 3 st. 289;

— zabojstva dziaržaŭnaha abo hramadskaha dziejača, učynienaje ŭ suviazi ź jaho dziaržaŭnaj ci hramadskaj dziejnaściu ŭ metach akazańnia ŭździejańnia na pryniaćcie rašeńniaŭ orhanami ŭłady, abo pieraškody palityčnaj ci inšaj hramadskaj dziejnaści, abo zapałochvańnia nasielnictva, abo destabilizacyi hramadskaha paradku — č. 2 art 359.

Pakarańnie pa inšych častkach i artykułach KK, źviazanych z teraryzmam, nie praduhledžvaje śmiarotnaha pakarańnia. U artykule 14 KK ahavorvajecca, što «adkaznaść za zamach na złačynstva jość pa tym ža artykule Asablivaj častki hetaha Kodeksa, što i za zakončanaje złačynstva, sa spasyłkaj na hety artykuł, a ŭ art.67 skazana, što «śmiarotnaje pakarańnie za padrychtoŭku da złačynstva i zamach na złačynstva nie pryznačajecca».

Šerahu palitviaźniaŭ, čyje spravy ciapier znachodziacca ŭ vytvorčaści, inkryminujucca artykuły, źviazanyja z teraryzmam.

Takim čynam, va ŭmovach pravavoha biazładździa ŭ Biełarusi skłałasia situacyja, kali karajuć toje, što nie karajecca, administratyŭkaj, administratyŭku — kryminałkaj, nieciažkuju kryminałku — pavyšajučy traktoŭku kryminalnaj spravy ŭ bok ciažkaha i asabliva ciažkaha złačynstva.

Čytajcie taksama:

Što nie tak z apošnimi «terarystyčnymi» spravami ab kamieni ŭ aknie prakurora i ablitaj farbaj mašynie sudździ? Raźbirajemsia z byłymi siłavikami

• 0
• 0
• 0
• 7
• 1
• 0
• 45
• 0