Užyvańnie ibuprafienu pry bolach u śpinie pavialičvaje imaviernaść taho, što bol nabudzie doŭhaterminovy charaktar. Pra heta śviedčyć praviedzienaje niadaŭna ŭ Brytanii daśledavańnie.
Daśledavańnie, u jakim udzielničała paŭmiljona darosłych respandentaŭ, aceńvała nastupstvy ŭ praciahłym časie pryjomu ibuprafienu dla lačeńnia bolu ŭ śpinie. Vyśvietliłasia, što u takim vypadku ryzyka raźvićcia doŭhaterminovaha bolu była na 70% vyšejšaj, čym u vypadkach, kali ludzi lačyli bol inšymi srodkami, naprykład, paracetamołam.
Daśledčyki padazrajuć, što supraćzapalenčyja srodki, takija jak ibuprafien, asłablajuć tuju častku imunnaj sistemy, jakaja hraje važnuju rolu ŭ adnaŭleńni paśla paškodžańniaŭ, piša The Times.
Adzin z aŭtaraŭ pracy, prafiesar Džefry Mohił z kanadskaha ŭniviersiteta Makhiła, ličyć, što novyja danyja mohuć aznačać «pačatak kanca» dla niesteroidnych preparataŭ, samy papularny ź jakich — ibuprafien. Jon tłumačyć, što hetyja leki dobra dapamahajuć, kali treba chutka pazbavicca ad bolu, ale patencyjna heta moža kaštavać vielmi šmat, bo kali ŭžo ŭ pacyjenta źjavicca chraničny bol, nijakija leki nie zdolejuć całkam ad jaho pazbavić.
Navukoŭcy ličać, što zapalenčy praces, jaki i vyklikaje bol, moža mieć dla arhanizma abarončy efiekt u doŭhaterminovaj pierśpiektyvie, tamu kali całkam pazbavicca ad zapaleńnia, heta moža mieć drennyja nastupstvy. Ale ž patrebna bolš daśledavańniaŭ, kab paćvierdzić danyja pra mahčymuju škodu niesteroidnych lekaŭ, i kab atrymać dadatkovuju infarmacyju.
U Brytanii źmianili rekamiendacyi chvorym na artryt
Klaščoŭ usio bolš. Dzie i pa čym možna pryščapicca ad kleščavoha encefalitu
Ciapier čytajuć
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT15
Voś jak vyhladaje z kosmasu aśviatleńnie Minska ŭ paraŭnańni z susiednimi stalicami FOTAFAKT
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1717
Kamientary