Recept na vychadnyja. Šviedskija frykadelki ŭ viarškovym sousie — znakamitaja strava skandynaŭskaj kuchni
Hetuju stravu lubiŭ Karłsan, jaje ž šukajuć u zamiežnych šviedskich restaranach tyja, chto viedaje hety ŭnikalny smak. Miasnyja frykadelki — pierlina šviedskaj kuchni, i siońnia my raskažam, jak ich možna pryhatavać.
Fota: BBC Food
Kab zhatavać šviedskija frykadelki ŭ viarškovym sousie, vam spatrebicca:
- 1 stałovaja łyžka aliŭkavaha aleju,
- 1 drobna narezanaja cybulina,
- 1 drobna narezany zubok časnaku,
- 600 hramaŭ śvinoha faršu,
- 4 drobna narezanyja file ančousa (možna zamianić kilkaj ci ŭ najhoršym vypadku sialodkaj),
- 100 hramaŭ panirovačnych sucharoŭ,
- 1 jajka,
- 50 mililitraŭ małaka abo viarškoŭ z 18% tłušču,
- 25 hramaŭ masła,
- 25 hramaŭ muki,
- 100 mililitraŭ biełaha vina,
- 500 mililitraŭ jałavičnaha bulonu,
- 2 stałovyja łyžki viarškoŭ z 18% tłušču,
- 1 stałovaja łyžka bruśničnaha vareńnia abo žele z čyrvonaj parečki,
- pałova čajnaj łyžki duchmianaha piercu,
- čverć čajnaj łyžki muskatnaha arechu,
- sol,
- śviežamołaty čorny pierac.
- Razahrejcie duchoŭku da 200 hradusaŭ.
- Razahrejcie na patelni alej i smažcie cybulu, pakul jana nie stanie miakkaj i prazrystaj. Dadajcie časnok i tušycie jašče chvilinu. Źnimicie z ahniu i pakińcie astyvać.
- Pakładzicie ŭ vialikuju misku smažanyja łuk i časnok, a taksama farš, file ančousa, suchary, jajka, małako, duchmiany pierac, muskatny arech, sol i śviežamołaty čorny pierac (na smak). Staranna pieramiašajcie rukami. Sfarmujcie z sumiesi šaryki, trochi bolšyja za hrecki arech i vahaj kala 40 hramaŭ, u vas pavinna atrymacca kala 24 frykadelek. Pakładzicie ich na blachu i vypiakajcie 12-15 chvilin da hatoŭnaści.
- Kab pryhatavać sous, rastapicie masła ŭ vialikaj patelni — takoj, kab tudy mahli źmiaścicca ŭsie frykadelki. Dadajcie muku i pieramiešvajcie sumieś 5-10 chvilin na ahni, pakul muka i masła nie źmiašajucca i nie stanuć załacista-karyčnievymi. Dadajcie biełaje vino i intensiŭna ŭsio pieramiešvajcie, pakul sumieś nie stanie bolš adnarodnaj. Potym pastupova dadajcie ŭ patelniu ŭvieś bulon, staranna pamiešvajcie sumieś pierad dadavańniem kožnaj porcyi bulonu, kab u joj nie było kamiačkoŭ, pakul padliŭka nie pačnie trochi huścieć. Dadajcie viarški i vareńnie, pieramiašajcie. Zapraŭcie sollu i piercam.
- Dastańcie frykadelki z duchoŭki i pakładzicie ŭ patelniu z sousam. Tušycie ich 8-10 chvilin, kab vodary frykadelek i sousu źmiašalisia. Pierad padačaj pasypcie frykadelki kropam, pakładzicie kala ich trochi vareńnia i šmat bulbianoha piure.
Recept na vychadnyja. Kuryca parma — kłasika, pra jakuju vy jašče nie viedali
Jak vybrać syr: jaki samy karysny, a jakoha lepiej paźbiahać
Ciapier čytajuć
Biełaruskim top-čynoŭnikam u Vałhahradzie razdali kałaradskija stužki. Marzaluk zastaŭsia ź jabłynievaj FOTY6
Kamientary