Krynicy: Aleksin choča adabrać u rytejła prava pradavać cyharety i całkam zabrać rynak, dla hetaha pišacca asobny zakon
Jak stała viadoma «Našaj Nivie», u Biełarusi rychtujecca zakonaprajekt, pavodle jakoha ŭ rytejła zabiaruć prava zarablać na prodažy cyharet — heta zmoža rabić tolki struktura prydvornaha multymiljaniera Alaksieja Aleksina.
«Cyharety zastanucca ŭ prodažy ŭ tych ža kramach, dzie i byli. Dla spažyŭca ničoha nie źmienicca, ale źmieniacca bieniefiecyjary ad prodažu — vyhladaje, što zastaniecca tolki dziaržaŭnaja sietka i Aleksin. U takim vyhladzie zakonaprajekt łabirujecca Aleksinym i jahonymi sajuźnikami. Mahčyma, heta aformiać prosta ŭkazam Łukašenki, a moža być — praviaduć niejak inačaj. Prajekt ciapier chodzić pa kabinietach.
U vyniku, faktyčna, «Enierha-Ojł» budzie arendavać niejkuju płošču ŭnutry čužoj kramy dla taho, kab pastavić tam palicy z tytuniovaj pradukcyjaj i jaje pradavać. Toj prybytak, jaki raniej rytejlery mieli ad abarotu tytuniu, zamienicca na ślozy ad arendy dziesiaci kvadratnych mietraŭ.
Navat Tapuzidzis, u jakoha jość i vytvorčaść, i rytejł, nie zmoža pradavać svaje cyharety. Pakul što heta vyhladaje tak», — skazali nam abaznanyja ŭ pytańni.
Aleksin vyrablaje cyharety ŭ Hrodnie i Minsku i ŭžo maje šyrokuju sietku pa prodažy tytuniu ŭ Biełarusi pad brendam «Tabakierka», (kampanija «Enierha-Ojł»). Jon faktyčny bieniefiecyjar, chacia paśla traplańnia ŭ sankcyjnyja śpisy pierapisaŭ «Enierha-Ojł» na adnaho z synoŭ — syny trapiać u novy pakiet jeŭrapiejskich sankcyj.
Alaksiej Aleksin ličycca aŭtaram mnohich šerych schiem, bieniefiecyjaram jakich vystupaŭ režym Łukašenki: ad «rastvaralnikaŭ» da kantrabandy cyharet.
Za heta jon trapiŭ pad udar zachodnich sankcyj, a jahonyja «Tabakierki» masava padpalvali i peckali ŭ chodzie padziej 2020—2021 hadoŭ.
«Naša Niva» — bastyjon biełaruščyny
PADTRYMAĆČytajcie taksama:
Syny Aleksina, «Naftan», «Biełkalij», Azaronak: stała viadoma, chto budzie ŭ šostym pakiecie jeŭrapiejskich sankcyj
Na šviejcarskim rachunku «kašalka Łukašenki» znajšli $39 miljonaŭ. Aleksin: «Nie čytajcie!»
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii39
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes1919
«Kali Rasija napadzie na NATO, Kalininhrad budzie źniščany ŭ pieršyja ž hadziny. Ale mohuć prajści dva tydni, pierš čym dadatkovyja siły prybuduć u Litvu» — hienierał Ben Chodžes19
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie5555
Kamientary