Finlandyja i Šviecyja aficyjna padali zajaŭki na ŭstupleńnie ŭ NATA
Hienieralny sakratar NATA Jens Stołtenbierh pryniaŭ 18 maja ŭ Brusieli ŭ pasłoŭ Finlandyi i Šviecyi zajaŭki na členstva hetych krain u aljansie.
Abiedźvie krainy vyrašyli admovicca ad niejtralnaha statusu i dałučycca da vajskovaha aljansu na fonie rasijskaha ŭvarvańnia va Ukrainu.
Dla ŭstupleńnia ŭ błok novaha člena nieabchodnaje adnahałosnaje adabreńnie ŭsich sajuźnikaŭ.
U vypadku stanoŭčaha rašeńnia pracedura ratyfikacyi, pa roznych acenkach, moža zaniać kala hoda.
Pavodle Bloomberg, Turcyja ŭžo vystaviła šerah patrabavańniaŭ za svoj dazvoł Finlandyi i Šviecyi na dałučeńnie da NATA. Siarod hetych patrabavańniaŭ — źniaćcie sankcyj z Upraŭleńnia abaronnaj pramysłovaści Turcyi (SSB) za kuplu rasijskich zienitna-rakietnych sistem S-400, admiena embarha na pastaŭki zbroi i viartańnie ŭ prahramu źniščalnikaŭ F-35, a taksama zaćviardžeńnie novaha pakieta zakupak źniščalnikaŭ F-16. Akramia taho, ułady Turcyi chočuć, kab Šviecyja i Finlandyja pryznali Rabočuju partyju Kurdystana terarystyčnaj arhanizacyjaj i admovilisia ad nadańnia prytułku jaje aktyvistam.
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu12
«Sami chutka zdochnuć». Foty z samita ŭ Minsku dajuć pabačyć Pucina i Łukašenku biez hrymu, a taksama Kolu
«Svoj nos ź Biełastoka jany nie vysoŭvajuć». Biełarusy Padlašša skardziacca, što biełarusy novaj chvali emihracyi nie zacikaŭlenyja supolnymi spravami4848
Kamientary