Z basiejna — u 200-chvilinny pornafilm. Jak spartsmienki zarablajuć u CHCHCH-industryi
Vychad prafiesijnaha spartsmiena z zony pracoŭnaha kamfortu moža być maksimalna niečakanym. Heta davodzić historyja Miku Kadzimy — japonskaj płyŭčychi, jakuju bačyli novaj zorkaj nacyjanalnaj zbornaj u estafiecie. Zamiest załatych miedaloŭ dy pieramoh na Alimpijadzie 22-hadovaja dziaŭčyna addała pieravahu karjery ŭ porna. «Naša Niva» raspaviadaje pra los azijatki, a taksama ŭzhadvaje jaje papiarednikaŭ, što vyrušyli toj ža CHCHCH-ściažynaj.
Pieršapačatkova Miku Kadzima niehatyŭna staviłasia da porna, ale z časam źmianiła pazicyju. Fota: telecomasia.net
Upieršyniu proźvišča «Kadzima» atrymała šyroki rozhałas u 2017 hodzie padčas junackaha pieršynstva śvietu na «doŭhaj» vadzie. Japonka ździviła nie tolki svajoj ciahavitaściu, ale i ŭniviersalizmam. Vunderkind biez prablem płyła jak spryntarskija 100 mietraŭ baterflajem, tak i 400 mietraŭ kompleksam. Pry hetym demanstravała fantastyčnyja vyniki: u indyvidualnych zapłyvach «kompleksam» dvojčy stała lepšaj na płaniecie (200 i 400 m), a paśla pryniesła kamandzie dźvie bronzy ŭ estafietach 4ch100 volnym stylem i 4ch100 kompleksam.
Na nastupny hod zorka azijatki zaźziała jašče jarčej. Moładzievyja alimpijskija hulni ŭ Buenas-Ajresie prademanstravali, što 18-hadovaja Miku ŭžo saśpieła dla zmahańnia navat na darosłym uzroŭni. Bo padčas vystupaŭ u Arhiencinie pryniesła zbornaj bronzu ŭ dźviuch zusim roznapłanavych estafietach: 4ch100 volnym i 4ch100 kompleksam u źmiešanym farmacie (za kamandu na darožku vychodziać tandem mužčyn i tandem žančyn). Da taho ž Kadzima na nacyjanalnym uzroŭni niabłaha praktykavała vystupy na ultrakarotkich dystancyjach kštałtu 50 m dy praviarała mahčymaści arhanizma — i niabłaha! — na varjackaj dla sprynteraŭ adlehłaści ŭ 800 m!
Dajšło da taho, što talent Miku zaŭvažyli treniery hałoŭnaj kamandy krainy dy razhladali jaje kandydaturu jak paŭnavartasnaj udzielnicy Alimpijady-2020. Z ulikam taho, što Hulni prymaŭ Tokia, dla Kadzimy heta byŭ by pik fantastyčnaha ŭźlotu dy mahčymaść pieratvarycca ŭ kumira ŭsioj nacyi. Ale raptoŭna spartsmienka vyrašyła prypynić vystupy dy zasiarodzicca na atrymańni narmalovaj adukacyi…
Jakuju prafiesiju jana abrała, nichto tak i nie daviedaŭsia, bo žyćciovy los dziaŭčyny raptoŭna zrabiŭ viraž, kruciejšy za bielhijski «O'Ruž» u «Formule-1». Ciaham 2019 hoda Kadzima ŭziała ŭdzieł u fotasiesii. Ničoha svyšnaturalnaha: basiejn, kupalny kaścium, pyrski vady na tvary dy ciele, dziciačaja ŭśmieška. Jak kažuć, set — «adzin ź miljonaŭ».
Adnak varta było Miku vykłaści šerah kadraŭ va ŭłasnym tvitar-akaŭncie, jak kolkaść jaje padpisčykaŭ pačała raści z kaśmičnaj chutkaściu. Amatary sportu pačali nie tolki abmiarkoŭvać pryvabnaść dziaŭčyny dy peŭny eratyzm fotasiesii, ale i tyražavać kadry ŭ siecivie. Jak vynik, byłuju spastsmienku pačali ŭsprymać jak seks-simvał, što i natchniła Kadzimu na nastupny krok.
U 2021-m Miku ŭziała ŭdzieł u zdymkach eratyčnaha bukleta «Naked Butterfly: Saki Shinkai», abraŭšy dla novaj karjery «sceničny» psieŭdanim. Adnak publika davoli chutka zrazumieła znak roŭnaści miž proźviščam «Kadzima» dy niknejmam «Sinkaj», a apošnija sumnievy ŭ adnaasobnaści pierson adkinuła, kali aznajomiłasia sa źmiestam artbuka.
Poŭnaściu aholenaja eks-płyŭčycha ździejśniła peŭny furor siarod japonskaj aŭdytoryi, paśla čaho jaje ekśpierymienty zacikavili ludziej i za miežami krainy.
Praŭda, nie ŭsie reahavali adnolkava prychilna. U sacsietkach Kadzima sutyknułasia z chvalami chejtu, jakija piermanientna abryńvalisia na jaje hałavu i cieła. Spartsmienku abvinavačvali ŭ amaralnaści, paskudstvie spartyŭnych ideałaŭ, zarobku «brudnych» hrošaj i navat u apahańvańni čałaviečaha cieła. Dajšło da taho, što Miku navat kampleksavać pačała. I voś tut joj pryjšła prapanova, jakaja kančatkova źmianiła žyćcio dziaŭčyny…
Na fota «niu» byłoj spartsmienki pilnuju ŭvahu źviarnuła studyja filmaŭ dla darosłych SOD — i dasłała joj scenar siužetaŭ, dzie advodziła dziaŭčynie hałoŭnuju rolu. Pieršapačatkova Miku ŭspryniała ideju sa skiepsisam, bo niehatyŭna staviłasia da porna. Adnak pradziusary paraili Kadzimie pahladzieć šerah prac pradakšena — maŭlaŭ, heta skarektuje pazicyju dziaŭčyny ŭ lepšy dla «kinošnikaŭ» bok.
Tak i adbyłosia: paśla znajomstva ź niekalkimi stužkami eks-sparstmienka pahadziłasia na supracoŭnictva dy padpisała kantrakt. Pad tym ža imiem, što i ŭdzielničała ŭ skandalnym fotasecie, jana źniałasia ŭ realnym porna pad nazvaj «New World Under the Sea». Jaki mienavita novy śviet Kadzima dla siabie adkryvaje, lohka zdahadacca, kali viedaješ, čym słavutaja studyja SOD. Tady ž jak vodnaja stychija, vakoł jakoj ciaham 200 chvilin razhortvajucca roznyja «dziejańni», — danina stychii, u jakoj Miku prasłaviłasia da porna.
Darečy, kroki pa novym šlachu vymusili spadaryniu Sinkai znoŭ pastavić na paŭzu navukovyja vysiłki. Z-za zaniataści ŭ proma svajoj stužki (a SOD ukłali ŭ prasoŭvańnie vielizarnyja finansavyja resursy), dziaŭčyna tak i nie dajšła da napisańnia dypłomnaj pracy dy jurydyčnaha paćvierdžańnia vyšejšaj adukacyi. I ŭvohule, ci vierniecca jana nanoŭ za vučelnyja party, pakul nieviadoma — usio zaležyć ad pośpiechu debiutnaj karciny.
Što ŭ Jeŭropie, što ŭ Štatach chapaje prykładaŭ, kali talenavityja atlety admaŭlalisia iści pa vidavočnaj prafiesijnaj ściažynie dy abirali bolš «ekspresiŭnyja» maršruty. Uzhadajem, badaj, samyja jarkija prykłady.
Lea Leksis
Dziaŭčyna z Rumynii na pikie formy nie viedała roŭnych sabie ŭ himnastycy — i na radzimie ažno piać razoŭ zavajoŭvała čempijonski tytuł u nacyjanalnych spabornictvach. Adnak u peŭny momant jana stamiłasia ad štodzionnych trenirovak dy vyrašyła demanstravać svaje navyki ŭ filmach dla darosłych.
Niezvyčajnaja hnutkaść dy adsyłki da spartyŭnych pierfomansaŭ chutka zrabili jaje papularnaj u asiarodku CHCHCH karystalnikaŭ. Jak vynik, u 2013 hodzie jana navat zvajavała niekalki topavych porna-ŭznaharod.
Ivet Bava
Na styku tysiačahodździaŭ łedzi źjaŭlałasia, badaj što, lepšaj bodzibiłderšaj śvietu. Jana pieramahała ŭ samych składanych spabornictvach i, možna skazać, daminavała na pamoście. Ale chutka adnastajnaść Ivet pryjełasia — i jana «pierakvalifikavałasia» ŭ porna-aktrysu.
Z 2005 pa 2010 hady Bava źniałasia ŭ bieźličy stužak, a paśla zasnavała ŭłasnuju studyju pa vyrabie «darosłaha» kino. Praŭda, akciorskuju karjeru nie zakinuła, a čas ad času da jaje viartajecca.
Mieła Imai
Jašče adna japonka, adnak kudy mienš paśpiachovaja za suajčyńnicu. U svaje 18 hod dziaŭčyna maryła pra skareńnie alimpijskich viaršyń u snoŭbordzie — i navat prabiłasia na Hulni-2006. Adnak vystup u Turynie apynuŭsia nastolki pravalnym, što nazaŭsiody adbiŭ u spartsmienki žadańnie praciahvać karjeru.
Zamiest hetaha Imai padałasia ŭ porna (spačatku soft, paśla chard), dzie i znajšła žyćciovaje pryzvańnie. «Paśla źmieny pracy ja pačała zarablać jak prezident bujnoj kampanii — i kali šła na viečarynu, to biez prablem pakidała ŭ kłubie pa 9 tysiač dalaraŭ za noč», — raspaviadała Mieła, čamu nie škaduje pra admovu ad spartyŭnych pierśpiektyŭ.
Džada Kaj
Baćki Mielisy Karmien Bułanchahi — tak vyhladaje sapraŭdnaje imia dziaŭčyny — pachodzili ź Filipinaŭ. Adnak spartsmienka rabiła karjeru ŭ Štatach, dzie z 2005 pa 2010 hady zajmałasia fihurnym katańniem. Praz hod paśla pačatku vystupaŭ jana zavajavała bronzu moładzievaha pieršynstva ZŠA, paśla zapalvała na etapach pieršynstva ISU siarod «andaraŭ», a pikam vystupaŭ stała treciaje miesca na Nebelhorn Trophy. Potym ža dziaŭčyna viarnułasia na histaryčnuju radzimu — i niekalki razoŭ tryumfavała na nacyjanalnych spabornictvach.
U porna Bułanchahi padałasia paśla taho, jak fihurnaje katańnie vycisnuła ź dziaŭčyny ŭsie soki. Z 2015-ha jana pasprabavała siabie jak vebkam-madel, adnak bahaćcia nie zarabiła. Paśla čaho Džada Kaj pieraklučyłasia na porna, i ŭ 2019-m padpisała pieršy kantrakt z pornastudyjaj. Zaraz u jaje «partfolia» majucca raboty ŭ supracy ź viadomymi pradakšenami kštałtu Reality Kings dy Brazzers.
Vierona van der Ler
Badaj, samaja dramatyčnaja historyja. Hałandskaja himnastka jašče ŭ dziacinstvie sutyknułasia z abjuzam dy seksualnymi damahańniami z boku trenieraŭ. Tym nie mienš jana zdoleła-taki dasiahnuć peŭnych pośpiechaŭ u sporcie i zavajacvać šerah miedaloŭ na surjoznym uzroŭni kštałtu srebra na pieršynstvach śvietu dy Jeŭropy. Paśla ž jaje žyćcio zaciahnuła ŭ vir dram, jakija ŭklučyli ŭ siabie stratu doma i isnavańnie na vulicy biez prytułku, turemny aryšt dy zdymki ŭ porna. Ciaham vaśmi hadoŭ razam z bojfrendam eks-himnastka zdymała CHCHCH-kantent — čaściej erotyka, radziej chardkor albo fietyš.
Siońnia van der Ler zmahajecca z hvałtam u sporcie, vystupaje jak publičny śpikier i płanuje teatralnaje šou. Zdymki ŭ porna Vierona spyniła, adnak čas ad času praktykuje stryptyz da bializny ŭ pryvatnym akaŭncie.
Vaskrasienski: Adkryvajecca nieba — i Aleś Bialacki adrazu vychodzić13
Kamientary