Krainy Bałtyi całkam admovilisia ad kupli rasijskaj elektraenierhii
Apieratary enierhasistem krain Bałtyi — estonski Elering, łatvijski Augstsprieguma tīkls (AST) i litoŭski Litgrid — zaklučyli pahadnieńnie, zhodna ź jakim jany bolš nie buduć kuplać rasijskuju elektryčnaść, paviedamlaje err.ee.
Jak adznačajecca ŭ paviedamleńni AST, dla źnižeńnia zaležnaści ad rasijskaj enierhasistemy rynak elektraenierhii krain Bałtyi z 1 červienia złučany tolki z Polščaj i Skandynavijaj. Adnoj z pryčyn takoha rašeńnia ŭ AST nazvali prablemy z płaciažami, bo niekalki bankaŭ, praź jakija raniej pieravodzilisia hrošy ŭ RF, ciapier apynulisia pad sankcyjami. Akramia taho, krainy Bałtyi nie žadajuć ździajśniać płaciažy rasijskim kampanijam.
Pavodle Elering, pryniatyja miery źniziać zaležnaść enierhasistem krain Bałtyi ad reziervovych mahutnaściaŭ u RF, jakija zadziejničajucca ŭ pieryjady pikavaj nahruzki. Raniej Estonija, Łatvija i Litva vykarystoŭvali dla zabieśpiačeńnia stabilnaj pracy elektrasietki ŭ tym liku pasłuhi rasijskaj enierhakampanii «Inter RAT», ale ŭ dalejšym buduć karystacca tolki reziervovymi mahutnaściami, raźmieščanymi ŭ krainach Bałtyi i Paŭnočnych krainach.
Enierhasistema krain Bałtyi zachavaje fizičnaje padklučeńnie da rasijskaj sistemy da sinchranizacyi ź jeŭrapiejskaj enierhasistemaj, jakaja pavinna adbycca da 2025 hoda.
Na Šry-Łancy ŭ 37 hadoŭ pamior biełaruski kinapradziusar Andrej Matałyha4
Kamientary