«Ja zusim nie adčajvajusia». Što napisaŭ Navalny ŭ svoj dzień narodzinaŭ
Svoj 46-y dzień naradžeńnia rasiejski apazicyjanier sustrakaje ŭ turmie.
Alaksiej Navalny, jaki znachodzicca ŭ vypraŭlenčaj kałonii, apublikavaŭ u tielehram-kanale post, u jakim padziakavaŭ «usim dobrym ludziam» i raspavioŭ, što jon nie adčajvajecca.
«Siońnia mnie 46 hadoŭ. I ŭ mianie ŭsio vydatna. Nu, niejkija rečy možna było b i padpravić — heta tak. Ale ž u kožnaha tak. A hałoŭnym ja vielmi zadavoleny», — napisaŭ Navalny.
«U mianie jość lubimaja siamja. U mianie jość kłasnyja kalehi, jakija praciahvajuć našu supolnuju (ekstremisckuju, cha-cha) spravu. Jość vy — miljony sumlennych ludziej, jakija damahajucca svabody našaj krainie i chočuć našamu narodu ščaścia i miru. U mianie, narešcie, jość vialiki i redki dla ciapierašniaj Rasiei pryvilej: ja kažu toje, što liču pravilnym, i rablu tak, jak liču patrebnym», — praciahnuŭ zasnavalnik Fondu baraćby z karupcyjaj.
«Złaślivyja kramloŭskija žuliki nie majuć nada mnoj ułady, choć i zamknuli ŭ niejkaj dzircy. Tamu ja zusim nie adčajvajusia i źjem śviatočnuju banku zialonaha harošku sa spakojnaj dušoj. Dziakuj usim dobrym ludziam, chto sustreŭsia mnie na hetym šlachu. Usich lublu», — skončyŭ svoj list Navalny.
Ciapier čytajuć
23‑hadovy achoŭnik z Astraŭca zahinuŭ za Rasiju na vajnie. Pavajavaŭ jon, vidać, kala miesiaca16
Kamientary