Ministr zamiežnych spraŭ Rasii Siarhiej Łaŭroŭ paraiŭ prezidentu Polščy Andžeju Dudu vučyć historyju. Toj dniami paraŭnaŭ Uładzimira Pucina z Adolfam Hitleram.
«Vy viedajecie, mnie ciažka kamientavać vykazvańni mnohich jeŭrapiejskich palitykaŭ, jak i ŭkrainskich palitykaŭ. Polšča i tyja jaje kiraŭniki, jakija dapuskajuć padobnyja sientencyi, napeŭna, im lepš paraić zajmacca vyvučeńniem svajoj ułasnaj historyi i tych padziej, jakija lažać u asnovie polskaj historyi», — skazaŭ ministr žurnalistam u piatnicu.
Pry hetym Łaŭroŭ adznačyŭ, što, admaŭlajučy dyjałoh z Rasijaj, Polšča pačynaje aktyŭnaje asvajeńnie ŭkrainskaj terytoryi. «Pakul my bačym, što za razmovami ab niedapuščalnaści jakoha-niebudź dyjałohu z Rasijaj polskija kalehi pačynajuć aktyŭna asvojvać ukrainskuju terytoryju», — dadaŭ jon.
Dniami Andžej Duda ŭ intervju niamieckamu vydańniu Bild zajaviŭ nastupnaje:
«Ja ździŭleny ŭsimi tymi pieramovami, jakija ciapier viaducca z Pucinym. Kancler Šolc, prezident Emanuel Makron. Hetyja razmovy marnyja. Što jany robiać? Jany tolki lehitymizujuć asobu, adkaznuju za złačynstvy, učynienyja rasijskaj armijaj va Ukrainie. Jon adkazvaje za heta. Jon pryniaŭ rašeńnie nakiravać tudy vojski. Jamu padparadkoŭvajucca kamandziry. Uładzimir Pucin. Chtości tak razmaŭlaŭ z Adolfam Hitleram padčas Druhoj suśvietnaj vajny? Chtości kazaŭ, što Adolfu Hitleru treba zachavać tvar? Što my pavinny dziejničać tak, kab nie było źnievažalna dla Adolfa Hitlera? Ja nie čuŭ takoha», — skazaŭ Duda.
Ciapier čytajuć
Jakaja łohika sudoŭ za Hajun? Mužčyna, jakoha zatrymlivali pa hetaj spravie, apisaŭ ubačanaje23
Kamientary