«Cud ajčynnaj vytvorčaści», pakazany Łukašenku, akazaŭsia amierykanskim praduktam
Karystalniki sacsietak «rassakrecili» jašče adnu raspracoŭku ajčynnych mikraelektronščykaŭ, jakuju demanstravali na naradzie ŭ Pałacy Niezaležnaści.
Učora ciaham hadziny kiraŭnictvu krainy demanstravali «pieradavyja ajčynnyja technałohii» ŭ śfiery mikraelektroniki. Kali vieryć materyjałam praŭładnych ŚMI, śpiecyjalnaja narada pavinna była pakazać usim i kožnamu, što zamiežnyja sankcyi ŭvohule nie adbivajucca na hetaj halinie. Bolš za toje, Biełaruś padavałasia ŭ repartažach fłahmanam raznastajnaj chajtek-vytvorčaści. Pra niekatoryja z hetych raspracovak «Naša Niva» raskazała jašče ŭčora.
Čytajcie: «Hetaje «vynachodnictva» hadoŭ 20 na składzie pralažała!» Što pakazvali Łukašenku na naradzie pa mikraelektronicy
Nastojlivyja ž karystalniki sacsietak nie spynilisia dy praciahnuli vyvučeńnie repartažaŭ pra naradu. Paśla čaho «rassakrecili» jašče adnu «praryŭnuju napracoŭku», jakaja trapiła ŭ efir kanała ANT. Padčas pramovy dyrektara NPA «Optyka, elektronika i łaziernaja technika» na ekranach demanstravaŭsia «optaelektronny hienieratar, šumy jakoha na dva paradki lepšyja, čym u amierykanskaha anałaha».
Voś tolki z vuzłom, jaki «nabyvajuć u Biełarusi navat tyja, chto ciśnie krainu sankcyjami», raptam vyjavilisia ažno try prablemy.
Pa-pieršaje, Łukašenku čamuści pakazali zamiest hienieratara 16-kanalny modul acenki aktyŭnaha kletkavaha bałansu. Pa-druhoje, jon maje nie biełaruskaje pachodžańnie, a amierykanskaje, bo na płacie lohka pračytać navat nazvu vytvorcy — Texas Instruments. Narešcie ž, sam «cud techniki» (jaki, darečy, kaštuje amal 2500 dalaraŭ) vykarystoŭvajecca nie dla RŁS, a dla bałansiroŭki aŭto.
Daśviedčanyja ŭ temie ludzi źviartajuć uvahu taksama na zality klejem raźjom. Tudy pa technałohii stavicca druhaja častka, tady jak da «demanstracyjnaha ekspanata» prystasavali niejkuju niedarečnuju detal — «z taho, što było pad rukoj», śmiajucca ŭ siecivie.
Minsk siońnia viečaram pahruziŭsia ŭ ciemru. Paśla zahadu Łukašenki51
Minsk siońnia viečaram pahruziŭsia ŭ ciemru. Paśla zahadu Łukašenki
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»35
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
Kamientary