«Chłuśnia, padtasoŭka faktaŭ, fejki»: Łucki pachvaliŭsia asabistym udziełam u pahromie Tut.by
Eks-kiraŭnik Mininfarma, namieśnik staršyni Administracyi prezidenta Ihar Łucki prakamientavaŭ pryznańnie Tut.by ekstremisckaj arhanizacyjaj i adznačyŭ svaju rolu ŭ zakryćci partała, piša Zierkało.
Pra heta jon zajaviŭ u pieradačy «Skažiniemołči», što idzie na adnym ź dziaržkanałaŭ.
— Asobnyja internet-vydańni pišuć, što na pasadzie ministra infarmacyi vy zapomnilisia mocnym ciskam na niedziaržaŭnyja vydańni. Vam padabajecca takaja farmuloŭka? — spytała Łuckaha adna ź viadučych.
— Ja spakojna staŭlusia da lubych farmulovak, — adkazaŭ čynoŭnik. — Ja rabiŭ svaju pracu, vykonvaŭ abaviazki. Ja bačyŭ, što ŚMI, jakija pracavali ŭ toj čas, pracavali ŭ parušeńnie Kanstytucyi. Byŭ pramy zamach na suvierenitet i niezaležnaść našaj krainy, finansavańnie hetych ŚMI, niedziaržaŭnych, ažyćciaŭlałasia zvonku, i kaardynavałasia taksama zvonku. Jaskravy prykład tamu — ciapierašniaje rašeńnie pa Tut.by. Jaho pryznali ekstremisckim.
— Vy padtrymlivajecie hetaje rašeńnie?
— Niesumnienna.
— A rastłumačcie svoj punkt hledžańnia. Heta budzie cikava pasłuchać tym, chto jašče spačuvaje.
— Nu, my vielmi detalova analizavali tady, u 2020 hodzie, ja ž prajšoŭ usie sudovyja instancyi, zakryvajučy Tut.by, pa-prostamu kažučy. Chłuśnia, padtasoŭka faktaŭ, fejki — heta toje, čym zajmaŭsia ŭ toj momant Tut.by. Heta viało faktyčna da destabilizacyi abstanoŭki i pryviało pa vyniku da taho, što my pryniali hetaje rašeńnie ab zakryćci hetaha resursu. Usie rašeńni ab hetym byli jurydyčna vyvieranyja, prajšli ŭsie sudovyja instancyi, heta nie prosta ŭziali i zakryli, jak «Žoŭtyja źlivy». Usio było zroblena pa zakonie. Ale siońnia, jak by, my hladzim, vykryvajucca novyja fakty… Ja tak razumieju, što tyja, chto pavinien byŭ praanalizavać pracu hetaha resursu bolš hłyboka z ulikam vyjaŭlenych faktaŭ — pryniataje rašeńnie ab pryznańni jaho ekstremisckim.
-
Valfovič prakamientavaŭ zajavy SVR i paprasiŭ Jeŭropu nie dyktavać Biełarusi, jak žyć
-
Dziasiatki hadoŭ ekśpiedycyj u adnym jutub-kanale. U Biełarusi prezientavali videarchiŭ Mikoły Kozienki z narodnymi tancami i abradami
-
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom18
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary