Hałoŭčanka zajaviŭ, što surjoznym vyklikam Biełarusi i Rasii stała abvieščanaja ekanamičnaja vajna
U śviecie nastupiŭ pieryjad ekanamičnaj turbulentnaści. Pra heta zajaviŭ premjer-ministr Biełarusi Raman Hałoŭčanka padčas pasiadžeńnia Jeŭrazijskaha mižuradavaha savieta ŭ pašyranym składzie, paviedamlaje BiełTA.
«Situacyja ŭ suśvietnaj ekanomicy źmianiłasia. Pačaŭsia novy i, mabyć, doŭhaterminovy pieryjad ekanamičnaj turbulentnaści. Rost cen na enierhanośbity, syravinu i tavary supravadžajecca ahulnasuśvietnym usploskam inflacyi, jakaja bje šmathadovyja rekordy pa ŭsim śviecie», — miarkuje premjer.
Pavodle jaho słoŭ, usie suśvietnyja centry schilnyja ličyć, što śviet uvachodzić u epochu novaj ekanamičnaj recesii. Stanoviacca vidavočnymi šmatlikija prablemy, u tym liku pahroza hoładu ŭ šerahu rehijonaŭ śvietu, što moža vyklikać nastupnuju chvalu sacyjalna-palityčnych kataklizmaŭ. «Surjoznym vyklikam dla Biełarusi i Rasii źjaŭlajecca abvieščanaja ekanamičnaja vajna, jakaja nakiravanaja na izalacyju našych krain i raskoł našaha Sajuza. Adnak dziakujučy isnavańniu JEAES, my nie apynulisia adzin na adzin ź ciažkaściami», — skazaŭ Raman Hałoŭčanka.
Ciapier čytajuć
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary