25—26 červienia ŭ Vilni ŭ Imaguru (vulica Vicienia \ Vytenio g. 18) projdzie čaćviorty, apošni ŭ hetym hodzie etap Fiestyvalu intelektualnaj knihi «Pradmova». Na praciahu červienia jon užo prachodziŭ u Tbilisi, Krakavie i Varšavie.
Kožny fiestyval u hetym hodzie — svoj asabisty suśviet. Fiestyvalny suśviet u Vilniusie pra intelektualnyja razmovy, surjoznyja niaprostyja temy.
Kali vy zasumavali pa fiłasofii i fiłosafach, a jašče budziecie na vychadnych u Vilniusie — abaviazkova zavitajcie na «Pradmovu».
25 i 26 červienia arhanizatary zaprašajuć usich, chto moža i choča, u Imaguru (vulica Vicienia \ Vytenio g. 18), kab razmaŭlać, abmiarkoŭvać, spračacca, śmiajacca, znajomicca, abdymacca i abaviazkova nabyvać knihi.
U prahramie vy znojdziecie dyskusii i razmovy ź litoŭskimi i biełaruskimi intelektuałami, priezientacyi knih i časopisaŭ, majstar-kłasy, litaraturnuju premiju.
Nie zastanucca vilenskija naviedvalniki «Pradmovy» biez nočy paezii i muzyčnych imprez. Na fiestyvali vystupiać hurt tradycyjnych śpievaŭ «Biełaruski cud», Siarhiej Bašłykievič i śpiavačka Lear.
Na «Pradmovie» ŭ Vilni taksama možna budzie nabyć knihi biełaruskich aŭtaraŭ i vydaviectvaŭ.
Siarod udzielnikaŭ i ŭdzielnic: Ihar Babkoŭ, Sabina Bryło, Marus Burokas, Hintaras Hrajauskas, Hanna Złatkoŭskaja, Siarhiej Kalenda, Alaksiej Kułakoŭ, Hintaŭtas Mažejkis, Hanna Musalova, Volha Ramanava, Vital Ryžkoŭ, Ściapan Sturejka, Vika Trenas, Andrej Chadanovič, Siarhiej Chareŭski, Taćciana Ščytcova.
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii37
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii
«Niezaležnaść nie padaje ź nieba i nie dajecca nazaŭsiody. Jaje treba abaraniać». Cichanoŭskaja vystupiła z zajavaj da 35-hodździa pryniaćcia Dekłaracyi ab suvierenitecie4545
Kamientary