Palitviaźnia Stanisłava Paŭlinkoviča, jakoha ŭ lutym KDB zatrymaŭ na «chimii», pieraviali ŭ navapołackuju kałoniju
Sud Krupskaha rajona 29 krasavika pastanaviŭ uzmacnić režym mahiloŭskamu aktyvistu Stanisłavu Paŭlinkoviču i pieravieści jaho ŭ papraŭčuju kałoniju na 5,5 miesiaca. Pa infarmacyi «MAYDAY TEAM», Stanisłaŭ znachodzicca ŭ papraŭčaj kałonii №1, paviedamlaje «Viasna».
Paŭlinkovič — adzin z «chimikaŭ», jakich 15 lutaha dapytvali supracoŭniki KDB z nahody ŭdziełu ŭ telehram-čacie «Volejboł po vychodnym», jaki abjadnoŭvaŭ palitviaźniaŭ, asudžanych na «chimiju».
Z 15 lutaha jaho amal bieśpierapynna ŭtrymlivali ŭ ŠIZA: da 21 sakavika ŭ IČU na Akreścina, a potym da 29 krasavika znachodziŭsia ŭ štrafnym izalatary ŭ barysaŭskim IČU.
Siońnia palitviaźnia pavinny pieravieści ŭ žodzinskuju turmu, adkul paźniej etapujuć u kałoniju.
Paŭlinkoviča ŭ kastryčniku 2020 hoda asudzili da 3 hadoŭ «chimii» za abrazu sudździ (art. 391 KK).
Padtrymajcie Stanisłava: PK № 1, 211440, h. Navapołack, vuł. Techničnaja, 8, Stanisłaŭ Alaksandravič Paŭlinkovič.
Kamientary