Sabaka štonočy prychodziŭ da niemaŭlaci dla taho kab upeŭnicca, što ź im usio dobra. Hetaje VIDEA stała virusnym
Napeŭna, usie viedajuć, što sabaka — najlepšy siabar čałavieka. Virusnaje videa, što na dniach raźmiaścili ŭ tyktoku, paćviardžaje hetuju ideju.
Rolik źjaviŭsia na kanale 4pawsand2feet, dzie baćki raskazvajuć pra toje, jak jany žyvuć z maleńkim dzicionkam i z sabakam. Videa źjaŭlajecca zapisam, zroblenym na praciahu niekalkich načej, piša ofeminin.pl.
Błohiery zrabili zapis z dapamohaj kamiery, raźmieščanaj u dziciačym pakoi, jakaja dapamahaje im pastajanna sačyć za niemaŭlom. U hety raz kamiera dazvoliła zafiksavać niezvyčajnyja i vielmi kranalnyja pavodziny sabaki.
Bačna, što žyvioła kožny dzień padychodziła da łožku dziciaci. Potym sabaka abniuchvaŭ małoha i naziraŭ za im, vierahodna, kab upeŭnicca, što ź niemaŭlom usio dobra. Paśla hetaha sabaka abo kłaŭsia na padłohu i sačyŭ za dziciom, abo vychodziŭ z pakoju.
Zaraz rolik maje na tyktoku amal 11,5 miljonaŭ prahladaŭ, bolš za miljon łajkaŭ i amal 5,5 tysiač kamientaroŭ. Bolšaść internet-karystalnikaŭ u zachapleńni ad lubovi i kłopatu, jakija sabaka prajaŭlaje ŭ dačynieńni da samaha małoha člena siamji.
Niekatoryja karystalniki pišuć u kamientarach, što ich chatnija žyvioły pavodziać sabie padobna da sabaki z rolika. Ludzi adznačajuć, što praz takija pavodziny sabaki zasłuhoŭvajuć jak maha lepšaha staŭleńnia da siabie — mahčyma, jak da členaŭ siamji.
«Pračytała vierš na fiermie — i atrymała 200 tysiač łajkaŭ». Biełaruska ź vioski stała sapraŭdnaj zorkaj tyktoka
Tyktok ź biełaruskim smakam: sabrali dla vas padborku cikavych ajčynnych kanałaŭ, za prahladam jakich možna bavić viečary
Ciapier čytajuć
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j12
Minharvykankam pra vuličnaje aśviatleńnie: Heta była razavaja akcyja. Siońnia ŭklučać a 18-j
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary