Ukraincy vierać u svaju pieramohu i nie hatovyja ŭstupić Krym i Danbas — sacyjołah
91% ukraincaŭ upeŭnienyja ŭ svajoj pieramozie ŭ vajnie z Rasijaj. Pra heta raspaviała sacyjołah Ina Vałasievič z ukrainskaha centra Info Sapiens u efiry «Jeŭraradyjo». Pa jaje danych, hetaja ličba nie źmianiajecca z pačatku sakavika.
Ina Vałasievič kaža, što za pieršyja miesiacy vajny źmianiłasia ŭjaŭleńnie ŭkraincaŭ pra toje, kolki času moža doŭžycca vajna, ale nie źmianiajecca ŭpeŭnienaść u pieramozie Ukrainy, niahledziačy na taktyčnyja pieramohi ci paražeńni na froncie. «Niebyvałaje adzinstva dla ŭkraincaŭ», — kaža sacyjołah.
Info Sapiens paśla pačatku vajny pravodzić telefonnyja apytańni ŭkraincaŭ. Vyklučeńnie składajuć biežancy (8% darosłaha nasielnictva, pa acency surazmoŭcy) i ŭkraincy na časova akupavanych terytoryjach, dzie nie pracujuć ukrainskija apieratary mabilnaj suviazi (u tym liku Maryupal i Chierson).
Sacyjołah raspaviała, što da vajny 30-40% ukraincaŭ byli hatovyja sastupić Krym i Danbas. Ciapier 90% ukraincaŭ — suprać hetaha. Na dumku sacyjołaha, ludzi zrazumieli, što hetyja sastupki pryviaduć da dalejšych biaskoncych sastupak rasijanam. Ciapier ukraincy hatovyja zmahacca.
Pavodle danych Vałasievič, 80% apytanych ukraincaŭ pierastali razmaŭlać ź blizkimi svajakami abo siabrami ŭ Rasii.
Sacyjołah kaža, što na jaje vialikaje ŭražańnie zrabili danyja biełaruskich sacyjołahaŭ pra toje, što 85% biełarusaŭ suprać ustupleńnia Biełarusi ŭ vajnu. I što hetyja ličby šyroka va Ukrainie nie viadomyja.
Ličby, jakija kažuć pra toje, jak źmianiłasia staŭleńnie ŭkraincaŭ da biełarusaŭ paśla pačatku vajny, padčas efiru nie prahučali. Adnak sacyjołah skazała, što
niehatyŭnaje staŭleńnie ŭkraincaŭ da biełarusaŭ u try razy nižejšaje, čym da rasijan (da biełarusaŭ staŭleńnie bolš składanaje). Da niemcaŭ i francuzaŭ, pavodle jaje słoŭ, staŭleńnie nie našmat lepšaj, čym da biełarusaŭ.
Da vajny prarasijskich hramadzian va Ukrainie było 15-20%, ciapier takich 2%.
Ciapier čytajuć
Adstaŭny padpałkoŭnik milicyi adsudziŭ kvateru ŭ svajoj dački. Hučnaja siamiejnaja historyja z Bresta10
Kamientary