Украінцы вераць у сваю перамогу і не гатовыя ўступіць Крым і Данбас — сацыёлаг
91% украінцаў упэўненыя ў сваёй перамозе ў вайне з Расіяй. Пра гэта распавяла сацыёлаг Іна Валасевіч з украінскага цэнтра Info Sapiens у эфіры «Еўрарадыё». Па яе даных, гэтая лічба не змяняецца з пачатку сакавіка.
Іна Валасевіч кажа, што за першыя месяцы вайны змянілася ўяўленне ўкраінцаў пра тое, колькі часу можа доўжыцца вайна, але не змяняецца ўпэўненасць у перамозе Украіны, нягледзячы на тактычныя перамогі ці паражэнні на фронце. «Небывалае адзінства для ўкраінцаў», — кажа сацыёлаг.
Info Sapiens пасля пачатку вайны праводзіць тэлефонныя апытанні ўкраінцаў. Выключэнне складаюць бежанцы (8% дарослага насельніцтва, па ацэнцы суразмоўцы) і ўкраінцы на часова акупаваных тэрыторыях, дзе не працуюць украінскія аператары мабільнай сувязі (у тым ліку Марыупаль і Херсон).
Сацыёлаг распавяла, што да вайны 30-40% украінцаў былі гатовыя саступіць Крым і Данбас. Цяпер 90% украінцаў — супраць гэтага. На думку сацыёлага, людзі зразумелі, што гэтыя саступкі прывядуць да далейшых бясконцых саступак расіянам. Цяпер украінцы гатовыя змагацца.
Паводле даных Валасевіч, 80% апытаных украінцаў перасталі размаўляць з блізкімі сваякамі або сябрамі ў Расіі.
Сацыёлаг кажа, што на яе вялікае ўражанне зрабілі даныя беларускіх сацыёлагаў пра тое, што 85% беларусаў супраць уступлення Беларусі ў вайну. І што гэтыя лічбы шырока ва Украіне не вядомыя.
Лічбы, якія кажуць пра тое, як змянілася стаўленне ўкраінцаў да беларусаў пасля пачатку вайны, падчас эфіру не прагучалі. Аднак сацыёлаг сказала, што
негатыўнае стаўленне ўкраінцаў да беларусаў у тры разы ніжэйшае, чым да расіян (да беларусаў стаўленне больш складанае). Да немцаў і французаў, паводле яе слоў, стаўленне не нашмат лепшай, чым да беларусаў.
Да вайны прарасійскіх грамадзян ва Украіне было 15-20%, цяпер такіх 2%.
-
Археолагі знайшлі доказы таго, што найстаражытнейшыя продкі чалавека — якія жылі 2,5 млн гадоў таму — ужо ўмелі навучаць і перадаваць веды
-
Трамп заявіў, што ЗША не будуць удзельнічаць у саміце G20 у ПАР
-
ЗША не будуць блакаваць пастаўкі расійскай нафты і газу ў Венгрыю, заявіў Орбан пасля сустрэчы з Трампам
Каментары