U červieni biahučaha hoda ceny ŭ Biełarusi vyraśli na 17,6% da ŭzroŭniu 2021 hoda. Miesiacam raniej hadavaja inflacyja składała 17%, a ŭ krasaviku — 16,8%. Apublikavanyja źviestki dazvalajuć acanić strukturu inflacyi, piša hazieta «Biełorusy i rynok».
Za miesiac vyrasła kolkaść tavaraŭ i pasłuh, uklučanych u spažyviecki košyk, ceny na jakija pavialičylisia bolš čym na 10% u hadavym vyražeńni. U mai ich dola składała 69,8% spažyvieckaha košyka, a ŭ červieni — užo 71,8%.
Adpaviedna, źniziłasia kolkaść tavaraŭ i pasłuh z adnosna nizkimi tempami rostu cenaŭ. Naprykład, dola tavaraŭ i pasłuh, jakija padaraželi mienš čym na 5%, skłała ŭsiaho 9,7% u červieni suprać 9,9% u mai. Dola tavaraŭ i pasłuh ź inflacyjaj ad 5 da 10% skaraciłasia da 17,4% u červieni paśla 19,4% u mai.
Charakterna, što krychu ŭzrasła dola elemientaŭ spažyvieckaha košyka, dzie nazirałasia źnižeńnie cenaŭ. U mai takich było 0,9%, u červieni — užo 1,1%. Apošniaje moža być nastupstvam siezonnaści cenaŭ na płodaaharodninnuju pradukcyju, bo na rynkach i ŭ kramach źjaŭlajecca ŭsio bolš praduktaŭ ŭradžaju biahučaha hoda, cana na jakija dosyć chutka źnižajecca pa miery pavieličeńnia zboru.
Kamientary