U centry Minska 21 i 23 lipienia zabaroniać ruch transpartu, bo buduć śviatkavać pažarniki
U centry Minska siońnia nočču i 23 lipienia budzie abmiežavany ruch. Adpaviednaje rašeńnie ab źmienie arhanizacyi ruchu pryniata Minharvykankamam. Pryčyna — horad rychtujecca da Dnia pažarnaj słužby, padčas jakoha budzie pravodzicca parad z papiarednimi treniroŭkami.
21 lipienia z 3-j da 6-j hadziny budzie zakryty ruch pa vulicach Enhielsa i Internacyjanalnaj. Z 4-j da 6-j hadziny vulica Lenina budzie pierakrytaja ad Internacyjanalnaj da praśpiekta Niezaležnaści, praśpiekt Niezaležnaści — ad Internacyjanalnaj da praśpiekta Pieramožcaŭ, a praśpiekt Pieramožcaŭ — ad Lenina da Mašerava.
23 lipienia z 6:30 da 11:00 budzie pierakrytaja vulica Enhielsa ad praśpiekta Niezaležnaści da vulicy Internacyjanalnaj, a Internacyjanalnaja — pamiž vulicami Enhielsa i Lenina.
Z 9:30 da 11:00 u subotu budzie zakrytaja vulica Lenina ad Internacyjanalnaj da praśpiekta Pieramožcaŭ, a praśpiekt Pieramožcaŭ — ad Lenina da praśpiekta Mašerava.
Kamientary